రామ్ పోతినేని ఫ్యాన్స్ ఎంతగానో ఎదురుచూస్తున్న అప్డేట్ వచ్చేసింది. రామ్ కెరీర్ లో బిగ్గెస్ట్ హిట్ గా నిలిచిన ఇస్మార్ట్ శంకర్ మూవీకి సీక్వెల్ గా రానున్న డబుల్ ఇస్మార్ట్ మూవీ అప్డేట్ ఇచ్చాడు డాషింగ్ డైరెక్టర్ పూరి జగన్నాథ్. ఈ సినిమా కోసం రామ్ ఫ్యాన్స్ తో పాటు పూరి జగన్నాథ్ ఫ్యాన్స్ కూడా ఎంతగానో ఎదురుచూస్తున్నారు. ఎందుకంటే.. ఈ సినిమా క్రియేట్ చేసిన ఇంపాక్ట్ అలాంటిది.
ఈ ఒక్క సినిమాతో ఇటు రామ్, అటు పూరి ఇద్దరు స్ట్రాంగ్ కంబ్యాక్ ఇచ్చారు. దీంతో.. ఈ సీక్వెల్ పై అంచనాలు భారీగా పెరిగిపోయాయి. మే 15 రామ్ పోతినేని పుట్టిన రోజున కావడంతో, ఫాన్స్ కి గిఫ్ట్ ఇస్తూ ‘డబుల్ ఇస్మార్ట్’ సినిమా గురించి అఫీషియల్ అనౌన్స్మెంట్ ఇచ్చాడు పూరి. ఇక ఈ సినిమా నెక్స్ట్ ఇయర్ మార్చ్ 8న ప్రేక్షకుల ముందుకు రానుంది. ఈ విషయాన్ని అనౌన్స్ చేస్తూ ఒక పోస్టర్ ని కూడా రిలీజ్ చేశారు.
అయితే డబుల్ ఇస్మార్ట్ మూవీని తెలుగుకి మాత్రమే పరిమితం చేయలేదు పూరి. ఈ సినిమాని పాన్ ఇండియా రేంజుకి తీసుకెళ్ళాడు. రామ్ పోతినేని-బోయపాటి మూవీ షూటింగ్ ఫినిష్ అవగానే డబుల్ ఇస్మార్ట్ సెట్స్ పైకి వెళ్లనుంది.మరి పూరి-రామ్ పోతినేని కలిసి మరోసారి మాస్ హిస్టీరియా రిపీట్ చేస్తారేమో చూడాలి.
