జాతీయ పార్టీగా గుర్తించాలంటే ఉండాల్సిన అర్హతలివీ..

త్వరలో ‘టీఆర్ఎస్’ పార్టీ ‘బీఆర్ఎస్’ గా మారనుందని సీఎం కేసీఆర్ ఇటీవలే ప్రకటించారు. దసరా రోజున మధ్యాహ్నం 1.19 గంటలకు జాతీయ పార్టీ ప్రకటన చేస్తానని వెల్లడించారు. ఈ విషయం ఇప్పుడు ఇటు రాష్ట్రంలోనూ అటు దేశంలోనూ హాట్ టాపిక్ గా మారింది. అయితే అసలు ఇంతకీ జాతీయ పార్టీ స్థాపించడానికి పార్టీలకు కావాల్సిన అర్హతలు ఏమిటి? విధి విధానాలేమిటి? ఒక పార్టీని జాతీయ పార్టీగా ఎలా గుర్తిస్తారు ? అన్న విషయానికొస్తే...

మన దేశంలో బహుళ పార్టీల రాజకీయ వ్యవస్థ అమల్లో ఉంది. అంటే ఎన్ని పార్టీలైనా దేశంలో ఉండొచ్చు. అలాగే, ఈ పార్టీలను జాతీయ, ప్రాంతీయ పార్టీలు అనే రెండు రకాలుగా విభజించారు.

జాతీయ పార్టీగా గుర్తింపు పొందాలంటే...

కేంద్ర ఎన్నికల సంఘం 1968 ప్రకారం చివరి సారిగా జరిగిన సార్వత్రిక ఎన్నికల్లో పార్లమెంట్ లేదా అసెంబ్లీ స్థానాల్లో నాలుగు లేదా అంతకంటే ఎక్కువ రాష్ట్రాల్లో అభ్యర్థులు పోటీ చేయాలి.