పెళ్లిళ్లు అనేది స్వర్గంలో నిశ్చయమవుతాయని అంటుంటారు. కొన్ని జంటలను చూస్తే అది నిజమేననిపిస్తుంది. తాజాగా రాజస్థాన్కు చెందిన ఓ జంట వివాహ వేడుకకు సంబంధించిన వీడియో సోషల్ మీడియాలో వైరల్ అవుతోంది. మరుగుజ్జులైన వధూవరులను చూసిన వారంతా ఈడు, జోడు బాగుందని అంటున్నారు. రాజస్థాన్ రాజ్ సమంద్ కు చెందిన రిషబ్ ఎత్తు 3 అడుగులు. అతనికి జోధ్ పూర్ కు చెందిన సాక్షి సోషల్ మీడియాలో పరిచయమైంది. అలా మొదలైన స్నేహం ఆ తర్వాత ప్రేమగా మారింది. పెద్దల ఆశీర్వాదం కూడా లభించడంతో గతేడాది నిశ్చితార్థం జరిగింది.
ఈ ఏడాది జనవరి 26న జోధ్పూర్లో ఇరు కుటుంబాలు, మిత్రుల సమక్షంలో రిషబ్, సాక్షిల పెళ్లి ఘనంగా జరిగింది. సాక్షి, రిషబ్ జంట ఇన్‌స్టాగ్రాంలో ‘మినీ కపుల్’ అనే ఐడీని క్రియేట్‌ చేసి వారి పెళ్లి ఫొటోలు, వీడియో పోస్టు చేశారు. అవి చూసినవారంతా ఈ కొత్త జంట ఈడు జోడు బాగుందంటూ శుభాకాంక్షలు తెలుపుతున్నారు. ఇక రిషబ్ పోటీ పరీక్షలకు సిద్ధమవుతుండగా.. సాక్షి ఎంబీఏ కంప్లీట్ చేసి. ప్రస్తుతం ఓ స్కూల్ లో టీచర్గా ఉద్యోగం చేస్తోంది.
