హైదరాబాద్, వెలుగు: రైడ్ హేలింగ్ కంపెనీ రాపిడో ఫుడ్ డెలివరీ సేవలు హైదరాబాద్లో మొదలయ్యాయి. ఇందుకోసం ఓన్లీ ఫుడ్ యాప్ను అందుబాటులోకి తెచ్చింది. జీరో కమీషన్ విధానం కావడం వల్ల రెస్టారెంట్లు ఏమీ చెల్లించాల్సిన అవసరం ఉండదు. కస్టమర్లు డెలివరీ చార్జీ మాత్రమే చెల్లించాలి. నగరంలో రాపిడో కెప్టెన్ల సేవలను గుర్తించేందుకు ప్రత్యేకంగా బిర్యానీ పార్టీ నిర్వహించారు.
ఈ వేడుకకు తెలుగు నటుడు నాని హాజరై వారితో ముచ్చటించారు. రాపిడో కో–ఫౌండర్ అరవింద్ మాట్లాడుతూ హైదరాబాదీలు మంచి ఆహారాన్ని ఇష్టపడతారని తెలిపారు. ఈ కొత్త విధానంతో రెస్టారెంట్ యజమానులకు, కస్టమర్లకు మేలు జరుగుతుందని పేర్కొన్నారు.
