బాలీవుడ్ ఎంట్రీ ఇవ్వనున్న రష్మికా మందన్న(Rashmika mandanna) వరుస సినిమాలతో బిజీగా ఉంది. తాజాగా ఈ బ్యూటీ నటిస్తున్న యానిమల్ పై ఆసక్తికర వ్యాఖ్యలు చేసింది. తనకు డిసెంబర్ నెల అంటే ఎంతో ఇష్టమని తెలిపింది. యానిమల్(Animal) రిలీజ్ కూడా ఇదే నెలలో రావడం తనకు కలిసొస్తుందని వివరించింది.
నా మొదటి సినిమా ‘కిరిక్ పార్టీ(Kirik party)’ డిసెంబర్లో విడుదలై పెద్ద సక్సెస్ సాధించింది. ఆ తర్వాత నేను చేసిన నాలుగు సినిమాలూ ఇదే నెలలో వచ్చి బ్లాక్బస్టర్స్ అందుకున్నాయి. అందులో పుష్ప(Pushpa) మూవీ నాకు ఇంటర్నేషనల్ లెవెల్లో గుర్తింపును తీసుకువచ్చింది. ఇప్పుడు యానిమల్ కూడా డిసెంబర్ 1న విడుదలవుతోంది. దీనిని ప్రేక్షకులు ఎలా రిసీవ్ చేసుకుంటారోనని ఆసక్తిగా చూస్తున్నా. నా కెరీర్లోనే ఈ రోల్ భిన్నంగా ఉంటుంది’ అని రష్మిక తెలిపింది. సందీప్ రెడ్డి వంగా దర్శకత్వం వహించిన యానిమల్లో రణ్బీర్ కపూర్(Ranbir kapoor)తో ఈ బ్యూటి జోడీ కట్టింది.