అందరూ ఊహించినట్లుగానే రిజర్వు బ్యాంక్ డిసెంబర్ మానిటరీ పాలసీ సమావేశాల్లో కీలక వడ్డీ రేట్లు రెపో రేటును 25 బేసిస్ పాయింట్ల మేర తగ్గించింది. దీంతో రెపో రేటు 5.50 శాతం నుంచి 5.25 శాతానికి తగ్గింది. మూడు రోజుల పాటు జరిగిన సమావేశంలో వడ్డీ రేట్ల తగ్గింపునకు నిర్ణయం తీసుకున్నారు. దేశంలో ప్రస్తుతం ద్రవ్యోల్బణం చారిత్రాత్మక కనిష్టాలకు చేరుకున్న వేళ ఈ నిర్ణయం తీసుకుంది. దీనికి తోడు రూపాయి మారకపు విలువ చరిత్రలో ఎన్నడూ చూడనంతగా దిగజారిన వేళ ప్రాధాన్యం సంతరించుకుంది.
ALSO READ : హైదరాబాద్లో డిజిటల్ పేమెంట్స్ హవా..
దీనికి ముందు సమావేశంలో రిజర్వు బ్యాంక్ చివరిగా జూన్ సమయంలో రెపో రేటును 6 శాతం నుంచి 5.5 శాతానికి తగ్గించింది. అయితే లక్ష్యాలకు అనుగుణంగా రిటైల్ ద్రవ్యోల్బణం ఉండటంతో తాజాగా మరోసారి కోతలకు సానుకూలతలను రిజర్వు బ్యాంక్ ప్రజలకు అందించేందుకు వడ్డీ రేట్ల తగ్గింపులను ఎంచుకుంది. దీంతో దేశంలో కార్ లోన్స్, హోమ్ లోన్స్ తీసుకున్న లక్షల మంది రిటైల్ రుణ గ్రహీలతలకు ఈఎంఐ చెల్లింపుల భారం తగ్గనుంది.
