- టికెట్ఆశతో పార్టీలో కొత్తగా చేరిన బీసీ యేతర లీడర్లలో టెన్షన్
- ఎలక్షన్ వేళ సీట్ల సర్దుబాటుపై హైకమాండ్కు తిప్పలు
నిజామాబాద్, వెలుగు: అసెంబ్లీ ఎన్నికలు సమీపిస్తున్న వేళ కాంగ్రెస్ లో బీసీవాదం జిల్లా లీడర్లను తిప్పలు పెట్టేలా ఉంది. కర్నాటక ఎలక్షన్స్ రిజల్ట్తర్వాత జోష్ మీదున్న కాంగ్రెస్లోకి వలసలు పెరిగాయి. కేవలం పోటీపై ఆశతో అనేక మంది పార్టీలో చేరగా, తాజా పరిణామాలు వారిని టెన్షన్ పెడుతున్నాయి. లోక్సభ నియోజకవర్గ పరిధిలో కనీసం ఇద్దరు బీసీలకు ఛాన్స్ ఇవ్వాలనే వాదన తెరమీదకి వచ్చింది. నిజామాబాద్ పరిధిలోని ఏడు అసెంబ్లీ నియోజకవర్గాల్లో కాంగ్రెస్ పార్టీలో రెడ్డి, తర్వాత రావు లీడర్ల ప్రాబల్యం అధికంగా ఉంది. ఈ క్రమంలో బీసీలను ఎక్కడ అవకాశం ఇస్తారన్న అంశం ఆసక్తిగా మారింది.
నాలుగు చోట్ల ఓసీల మధ్యే పోటీ..
కాంగ్రెస్ హయాంలో మంత్రిగా పనిచేసిన సుదర్శన్రెడ్డి బోధన్ నుంచి గతంలో ప్రాతినిధ్యం వహించారు.ఈసారి మళ్లీ పోటీకి సిద్ధమయ్యారు. టికెట్పై పూర్తి ధీమాతో ఉన్నారు. ఆయనకు పోటీగా కెప్టెన్ కరుణాకర్రెడ్డి టికెట్రేసులో ఉన్నారు. నిజామాబాద్ రూరల్లో మాజీ ఎమ్మెల్సీ డాక్టర్ భూపతిరెడ్డి, మార్కెట్ కమిటీ మాజీ చైర్మన్ నగేశ్రెడ్డి, మాజీ ఎమ్మెల్సీ అరికెల నర్సారెడ్డి పోటీ పడుతున్నారు. లోక్సభ నియోజకవర్గం పరిధిలోని జగిత్యాల నుంచి ఎమ్మెల్సీ జీవన్రెడ్డి అసెంబ్లీ ఎలక్షన్స్కు సిద్ధంగా ఉన్నారు. ఏదైనా కారణంతో ఆయన వద్దనుకుంటే జీవన్రెడ్డి తమ్ముడు దేవేందర్రెడ్డి భార్య విజయలక్ష్మీ(మాజీ మున్సిపల్ చైర్పర్సన్) పేరు ప్రతిపాదనలో ఉంది. ఈ మూడు నియోజకవర్గాల్లో రెడ్డిల ఆధిపత్యం ఉండగా, కోరుట్ల నియోజకవర్గంలో జువ్వాడి నర్సింగ్రావు, సుమన్రావులు పోటీకి సన్నద్ధంగా ఉన్నారు. వీరందరూ అగ్ర కులస్తులే.
మిగతా మూడు నియోజకవర్గాలు కీలకం..
నిజామాబాద్ అర్బన్, బాల్కొండ, ఆర్మూర్ నియోజకవర్గాల్లో బీసీలకు ఛాన్స్ లభించే అవకాశం ఉంది. ఈ నియోజకర్గాల్లో ఓసీ లీడర్లు తమకు టికెట్వస్తుందో, లేదోనని కలవరపడుతున్నారు. డీసీసీ ప్రెసిడెంట్ మానాల మోహన్రెడ్డి బాల్కొండ నియోజకవర్గంపై ఫోకస్ పెట్టారు. ఎక్కువ సమయం నియోజకర్గంలో ఉంటున్నారు. ఇటీవల కాంగ్రెస్లో చేరిన ఆరెంజ్ ట్రావెల్స్ అధినేత ముత్యాల సునీల్రెడ్డి కూడా బాల్కొండ టికెట్ఆశిస్తున్నారు. వీరిద్దరి మధ్య మాజీ ఎమ్మెల్యే ఈరవత్రి అనీల్ఒక్కరే బీసీవర్గానికి చెందినవారు. బీసీ వాదాన్ని గట్టిగా వినిపిస్తూ టికెట్డిమాండ్ చేస్తున్నారు. అర్బన్నియోజకవర్గం నుంచి టీపీసీసీ వర్కింగ్ ప్రెసిడెంట్మహేశ్ కుమార్ గౌడ్, పార్టీ నగర ప్రెసిడెంట్కేశవేణు, మాజీ మేయర్ సంజయ్ ధర్మపురి ఛాన్స్ కోసం ప్రయత్నిస్తున్నారు.
ఈ ముగ్గరూ బీసీ లీడర్లే. 2018 ఎలక్షన్లలో పార్టీ నుంచి పోటీ చేసి ఓడిన మైనార్టీ నేత తాహేర్బిన్ హందాన్ కూడా అర్బన్ రేసులో ఉన్నారు. ఆర్మూర్లో జిల్లా గ్రంథాలయ కమిటీ మాజీ చైర్మన్మార చంద్రమోహన్ రెడ్డి టికెట్తనకేనన్న ధీమాతో ఉండగా, బీజేపీకి గుడ్బై చెప్పిన వినయ్రెడ్డి కాంగ్రెస్లో చేరడం దాదాపు ఖరారైంది. అసెంబ్లీ ఎలక్షన్లో పోటీ కోసమే ఆయన పార్టీలో చేరుతున్నారనే ప్రచారం బలంగా ఉంది.
