జైపూర్, వెలుగు: మండలంలోని ఇందారం గోదావరి నది నుంచి అక్రమంగా తరలించిన ఇసుక డంపులను రెవెన్యూ అధికారులు బుధవారం సీజ్ చేశారు. తహసీల్దార్ వనజారెడ్డి వివరాల ప్రకారం.. రామారావు పేట శివారులో ట్రాక్టర్ల ద్వారా ఇసుకను అక్రమంగా తరలించి డంప్ చేసి రాత్రికి రాత్రే ఇతర ప్రాంతాలకు తరలిస్తున్నారని, స్థానికులు ఇచ్చిన సమాచారం మేరకు దాదాపు 25 ట్రాక్టర్ల ఇసుక డంప్లను గుర్తించి సీజ్ చేసినట్టు తెలిపారు.
ఇసుక అక్రమ రవాణాకు పాల్పడితే చర్యలు తప్పవని హెచ్చరించారు. ఆర్ఐ తిరుపతి, రెవిన్యూ సిబ్బంది పాల్గొన్నారు.
ALSO READ ; వధూవరులను ఆశీర్వదించిన ఎమ్మెల్యే వివేక్ వెంకటస్వామి
