మెదక్ (నార్సింగి), వెలుగు: ఊరిలో ఎవరైనా లిక్కర్అమ్మినా, కొనుక్కొని తాగినా జరిమానా కట్టాలని మెదక్ జిల్లా నార్సింగి మండలం శేరిపల్లి గ్రామ పంచాయతీ తీర్మానించింది. గ్రామంలో సంపూర్ణ మద్య నిషేధం విధించాలని డిమాండ్చేస్తూ సోమవారం మహిళలంతా ఒక్కటై ర్యాలీ నిర్వహించారు. ఇల్లీగల్గా నడుస్తున్న ఐదారు బెల్ట్షాపులను క్లోజ్చేయించాలని కోరారు. మద్యానికి బానిసలై చాలా మంది ఆర్థికంగా, ఆరోగ్య పరంగా నష్టపోతున్నారని వాపోయారు. స్పందించిన సర్పంచ్చెప్యాల మల్లేశం.. ఊర్లో ఎవరైనా బెల్ట్ షాపులు నడిపితే రూ.10 వేలు, అందులో కొనుక్కొని తాగితే రూ.5వేలు జరిమానా విధిస్తామని స్పష్టం చేశారు. లిక్కర్అమ్ముతున్నట్లు సమాచారం ఇస్తే రూ.2 వేలు నజరానా అందిస్తామని వెల్లడించారు. ర్యాలీలో వార్డు సభ్యులు నర్సింహులుగౌడ్, సత్యం, సుశీల, మహిళా సంఘాల అధ్యక్షులు తాళ్ల స్వప్న, గజవెల్లి స్వప్న, లత, వీఏఓ రామచంద్రం యాదవ్, మల్లీశ్వరి పాల్గొన్నారు.
