కీవ్: ఉక్రెయిన్ బలగాలు జరిపిన వైమానిక దాడిలో క్రిమియాలోని తమ నేవీ యుద్ధ నౌక దెబ్బతిన్నట్లు రష్యా రక్షణ మంత్రిత్వ శాఖ మంగళవారం తెలిపింది. ఫెడోసియా పోర్టు వ‌ద్ద అతి భారీ నౌక నోవోచెర‌కాస్క్పై ఉక్రెయిన్ విమానం మిస్సైళ్లతో అటాక్ చేసిన‌ట్లు రష్యా చెప్పింది. అయితే రష్యా నౌక ఎంతమేరకు దెబ్బతిన్నదనే విషయం మంత్రిత్వ శాఖ పేర్కొనలేదు. కాగా ఉక్రేనియన్ చానల్లో ప్రసారమైన వీడియోల ప్రకారం.. ఓడరేవు ప్రాంతంలో పెద్ద అగ్నిప్రమాదం జరిగింది. నౌక మొత్తం ధ్వంసమైందని ఉక్రెయిన్ అధికారులు.
“ఆ పేలుళ్లు ఎంత శక్తివంతమైనవో మేము చూశాం. దెబ్బతిన్న ఆ నౌక మనుగడ సాగించడం చాలా కష్టం” అని ఉక్రెయిన్ ఎయిర్ ఫోర్స్ ప్రతినిధి యూరీ ఇహ్నాట్ రేడియో లిబర్టీలో పేర్కొన్నారు. యుద్ధనౌకను డ్యామేజ్ చేసిన త‌ర్వాత రష్యా ప్రతీకార దాడికి పాల్పడింది. ఉక్రెయిన్‌కు చెందిన రెండు ఫైటర్ జెట్లను నికోలేవ్ సిటీ వ‌ద్ద కూల్చిన‌ట్లు రష్యా తెలిపింది. అయితే మంగళవారం ఉక్రెయిన్ఎయిర్ఫోర్స్తెలిపిన వివరాల ప్రకారం.. రష్యా 19 డ్రోన్‌లను మైకోలైవ్, ఒడెసా ప్రాంతాలపై ప్రయోగించింది. ఈ దాడిలో ఎలాంటి ప్రాణనష్టం జరగడం లేదని ఉక్రెయిన్ అధ్యక్ష కార్యాలయం పేర్కొంది.
