హైదరాబాద్, వెలుగు: దక్షిణ కొరియా ఎలక్ట్రానిక్స్ కంపెనీ శామ్సంగ్తన ఫ్లాగ్షిప్ గెలాక్సీ ఎస్23 సిరీస్ ఫోన్లను హైదరాబాద్లో మంగళవారం లాంచ్ చేసింది. బుకింగ్స్ ఓపెన్ చేసిన 24 గంటలలోనే 1.40 లక్షలకుపైగా ఆర్డర్లు వచ్చాయని ప్రకటించింది. ఈ కొత్త గెలాక్సీ ఎస్23 సిరీస్ ఫోన్లను నోయిడా ఫ్యాక్టరీలో తయారు చేస్తామని శామ్సంగ్ ఇండియా మొబైల్ బిజినెస్ జనరల్ మేనేజర్ అక్షయ్ గుప్తా తెలిపారు. ఇందులోని కెమెరా సెన్సర్లు తక్కువ వెలుతురులోనూ క్వాలిటీ పిక్చర్స్ తీస్తాయని, క్వాల్కామ్ స్నాప్డ్రాగన్8 జెన్ 2 ప్రాసెసర్ వల్ల చాలా స్పీడ్గా గేమ్స్ ఆడుకోవచ్చని చెప్పారు. వీటి తయారీ కోసం పర్యావరణ అనుకూల ప్రీ-కన్జూమర్ రీసైకిల్డ్ అల్యూమినియమ్, రీసైకిల్డ్ గ్లాస్, పోస్ట్-కన్జూమర్ రీసైకిల్డ్ ప్లాస్టిక్స్ను వాడామని తెలిపారు. గెలాక్సీ ఎస్23 సిరీస్ ఫోన్లకు నాలుగు ఓఎస్ అప్‌‌‌‌గ్రేడ్స్, ఐదు సంవత్సరాల వరకు సెక్యూరిటీ ప్యాచెస్లు వస్తాయి.
గెలాక్సీ ఎస్23 అల్ట్రా ధరలు రూ.1.24 లక్షల నుంచి రూ.1.55 లక్షల వరకు ఉంటాయి. గెలాక్సీ ఎస్23 ప్ల ధరలు రూ.95 వేల నుంచి రూ. 1.05 లక్షల వరకు, గెలాక్సీ ఎస్23 ధరలు రూ.74,999 నుంచి రూ.79,999 వరకు ఉంటాయి. గెలాక్సీ ఎస్23 అల్ట్రాను ప్రి-బుక్ చేసుకుంటే గెలాక్సీ వాచ్ ఎల్ఈటీ క్లాసిక్ గెలాక్సీ బడ్స్2ని రూ. 4999లకే పొందవచ్చు. గెలాక్సీ ఎస్23 ప్లస్ను ప్రి-బుక్ చేసుకున్న వాళ్లకు గెలాక్సీ వాచ్4 బీటీని రూ. 4999లకు పొందవచ్చు. గెలాక్సీ ఎస్23ని ప్రి-బుక్ చేసుకున్న వాళ్లకు రూ. 5000 విలువైన స్టోరేజ్ అప్గ్రేడ్ వర్తిస్తుంది. అంతేగాక రూ 8000 విలువైన బ్యాంక్ క్యాష్‌‌‌‌బ్యాక్‌‌‌‌ని ఆన్‌‌‌‌లైన్ ఛానెల్స్ లో పొందవచ్చు. గెలాక్సీ ఎస్23 సిరీస్ కొనుగోలు పైన కొనుగోలుదారులు 24 నెలల నో కాస్ట్ ఈఎంఐని కూడా ఎంచుకోవచ్చు. ఇదిలా ఉంటే గెలాక్సీ బుక్ ల్యాప్టాప్ ధరలు రూ.1.09 లక్షల నుంచి రూ.2.82 లక్షల వరకు ఉన్నాయి. గెలాక్సీ బుక్స్పైనా పలు ఆఫర్లు ఉన్నాయని శామ్సంగ్ తెలిపింది. తాము తెలుగు రాష్ట్రాల్లో 100 దాకా ఎక్స్క్లూజివ్ స్టోర్లను నిర్వహిస్తున్నామని, దేశవ్యాప్తంగా 1,700 షాప్స్ ఉన్నాయని పేర్కొంది.
