- విక్రమ్రావుపై 33 ఓట్లు మెజార్టీ
- భారీ పోలీసు బందోబస్తు నడుమ ప్రశాంతంగా ముగిసిన ఎన్నికలు
కాసిపేట, వెలుగు: మంచిర్యాల జిల్లా కాసిపేట మండలంలోని ఓరియంట్సిమెంట్కంపెనీ(అదానీ)లో శుక్రవారం జరిగిన గుర్తింపు కార్మిక సంఘం ఎన్నికల్లో ఓరియంట్సిమెంట్పర్మనెంట్వర్కర్స్ఫెడరేషన్(తరాజు గుర్తు) తరఫున పోటీ చేసిన కొక్కిరాల సత్యపాల్రావు గెలుపొందారు. తన సమీప ప్రత్యర్థి పుస్కురి విక్రమ్రావుపై విజయం సాధించారు.
సత్యపాల్రావుకు 141 ఓట్లు రాగా విక్రమ్రావుకు 108 ఓట్లు పడ్డాయి. మరో అభ్యర్థి తట్ర భీంరావుకు కేవలం ఆరు ఓట్టే పడ్డాయి. దీంతో కె. సత్యపాల్రావు 33 ఓట్ల మెజార్టీతో గెలుపొందినట్టు అధికారులు ప్రకటించా రు. శుక్రవారం ఉదయం 7 గంటల నుంచి మధ్యాహ్నం 3 గంటల వరకు పోలింగ్జరిగింది. కంపెనీలో మొత్తం 266 ఓట్లు ఉండగా.. ఇందులో 265 మందే ఓటు వేశారు. ఒక కార్మికుడు వేయలేదు. భారీ పోలీసు బందోబస్తు మధ్య ఎన్నికలు ప్రశాంతంగా ముగిశాయి.
ఇది కార్మికుల విజయం : సత్యపాల్రావు
గెలుపు అనంతరం కె. సత్యపాల్రావు విజయోత్సవ ర్యాలీ తీశారు. అందులో ఆయన మాట్లాడుతూ.. తన గెలుపు కార్మికులదేనని పేర్కొన్నారు. కార్మికుల హక్కులను కాపాడుతూ, సమస్యలను పరిష్కరిస్తానని తెలిపారు. ఆదివాసీ నేతలు, కార్మికుల కృషితోనే విజయం సాధించినట్లు పేర్కొన్నారు.
