యూపీ, కర్నాటకలో స్కూళ్లు ఓపెన్

V6 Velugu Posted on Aug 23, 2021

  • కర్నాటకలో ఇయ్యాల స్కూళ్లు ఓపెన్
  • యూపీలో రేపట్నుంచి ప్రారంభం 

న్యూఢిల్లీ: కరోనా కొద్దిగా తగ్గడంతో పలు రాష్ట్రాలు స్కూళ్లను ఓపెన్ చేస్తున్నాయి. ఇప్పటికే ఏపీలో బడులను ప్రారంభించగా.. ఉత్తరప్రదేశ్, కర్నాటక రాష్ట్రాలు కూడా అదే బాటలో నడుస్తున్నాయి. ఎంపిక చేసిన జిల్లాల్లో 9 నుంచి 12 తరగతులకు సోమవారం నుంచి క్లాసులు ప్రారంభించనున్నట్లు కర్నాటక ప్రభుత్వం తెలిపింది. ఉత్తరప్రదేశ్ లోనూ సోమవారం నుంచే బడులు ప్రారంభం కావాల్సి ఉండగా, ఆ రాష్ట్ర మాజీ సీఎం కల్యాణ్ సింగ్ మరణించడంతో అక్కడ పబ్లిక్ హాలీ డేగా ప్రకటించారు. మంగళవారం నుంచి క్లాసులు మొదలు కానున్నాయి. 6 నుంచి 8 తరగతులకు మాత్రమే క్లాసులు ప్రారంభించనున్నట్లు యూపీ సర్కార్ చెప్పింది. స్కూల్స్ రీఓపెన్ పై కర్నాటక సర్కార్ గైడ్ లైన్స్ రిలీజ్ చేసింది. పాజిటివిటీ రేటు 2 శాతం కన్నా తక్కువున్న జిల్లాల్లోనే బడులు ప్రారంభించనున్నట్లు పేర్కొంది. స్కూళ్లు ఓపెన్ అయినా ఆయా తరగతులకు ఆన్ లైన్ క్లాసులు కూడా జరుగుతాయని చెప్పింది. టీచింగ్, నాన్ టీచింగ్ స్టాఫ్​ టీకా వేయించుకున్నాకే స్కూళ్లకు రావాలంది. కాగా, యూపీలో రెండు షిఫ్టుల్లో క్లాసులు నిర్వహించనున్నారు. ఫస్ట్ షిఫ్టు ఉదయం 8 నుంచి మధ్యాహ్నం 12, సెకండ్ షిఫ్టు మధ్యాహ్నం 12.30 నుంచి సాయంత్రం 4.30 గంటల వరకు ఉండనుంది. 50 శాతం మంది పిల్లలతోనే క్లాసులు నిర్వహించనున్నారు.

Tagged UttarPradesh, students, lockdown, schools, study, karnataka, corona virus, offline classes, Kalyan Singh, schools open

Latest Videos

Subscribe Now

More News