సోనూసూద్​పై అభిమానంతో  టీవీ పగలగొట్టిండు

సోనూసూద్​పై అభిమానంతో  టీవీ పగలగొట్టిండు

సంగారెడ్డి, వెలుగు: సినీ నటుడు సోనూసూద్​పై అభిమానం పెంచుకున్న ఏడేళ్ల ఓ బుడ్డోడు టీవీ పగలగొట్టాడు. సంగారెడ్డి జిల్లా న్యాల్కల్​లో సోమవారం ఈ ఘటన చోటు చేసుకుంది. న్యాల్కల్ ఎస్సీ కాలనీకి చెందిన విరాట్ అనే బాలుడు టీవీలో సినిమా చూస్తున్నాడు. విలన్​గా నటించిన సోనుసూద్ ను హీరో కొట్టే సీన్ చూడగానే విరాట్​కు  కోపం వచ్చింది. కొవిడ్ టైంలో అందరినీ ఆదుకున్న సోనూసూద్ అంకుల్​ని కొడతావా అంటూ బయటి నుంచి రాయి తెచ్చి  టీవీని పగలగొట్టాడు. తల్లిదండ్రులు అదిచూసి షాకయ్యారు. సీన్లు చూసి టీవీని బద్దలు కొడతావా అని అడిగితే సోనూసూద్ అంకుల్ ని కొడితే ఊరుకోనంటూ గట్టిగా వాదించాడు.