ఊరి సమస్య తీరుతుందా?
టైటిల్ : షెహర్ లఖోట్
డైరెక్షన్ : నవదీప్ సింగ్, దేవిక భగత్
కాస్ట్ : ప్రియాన్షు పెయిన్యులి, చందన్ రాయ్, కుబ్బ్ర సెయిత్, శృతి మెనన్, చందన్ రాయ్ సన్యాల్
లాంగ్వేజ్ : తెలుగు, హిందీ, తమిళం, మలయాళం, కన్నడ
ప్లాట్ ఫాం : అమెజాన్ ప్రైమ్ వీడియో
రాజస్తాన్లోని ఒక ఊరి పేరు లఖోట్. గిరిజనులు ఉండే ఆ ప్రాంతంలో మార్బుల్ మైనింగ్ జరుగుతుంటుంది. ఆ మైనింగ్ ఆపేయమని వాళ్లు అడ్డుకుంటుంటారు. కానీ, కార్పొరేట్ కంపెనీలు మాత్రం దాన్ని ఆపడానికి ఇష్టపడవు. ఈ ఇన్సిడెంట్ జరగడానికి పదేండ్ల ముందు ఆ ఊరి నుంచి బయటకు వెళ్లిపోతాడు దేవ్ తోమర్ (ప్రియాన్షు పెయిన్యులి). పదేండ్ల తర్వాత ఆ ఊరికి వస్తాడు. ఊళ్లో జరిగే హత్య కేసులో ఇరుక్కుంటాడు. అంతేకాకుండా దేవ్కి ఓ గతం కూడా ఉంటుంది. అతని గతం ఏంటి? ఈ కేసులో ఎందుకు ఇరుక్కున్నాడు? ఊరి సమస్యను అతను తీర్చగలడా? నిజానికి లఖోట్ అనేది మైనింగ్ విలేజ్ కాదు. సిరీస్ కోసం అలా క్రియేట్ చేశారు. లీడ్ రోల్స్ చేసిన ప్రియాన్షు, చందన్ రాయ్ సన్యాల్, కుబ్బ్ర సెయిత్ బాగా నటించారు. ఎనిమిది ఎపిసోడ్ల ఈ సిరీస్ పర్వాలేదు అనిపిస్తుంది.
రెస్క్యూ సక్సెస్
టైటిల్ : మిషన్ రాణిగంజ్ : ది గ్రేట్ భారత్ రెస్క్యూ
డైరెక్షన్ : టిను సురేశ్ దేశాయ్
కాస్ట్ : అక్షయ్ కుమార్, పరిణీతి చోప్రా, రవికిషన్, కుముద్ మిశ్రా
లాంగ్వేజ్ : హిందీ
ప్లాట్ ఫాం : నెట్ఫ్లిక్స్
రాణిగంజ్ (పశ్చిమబెంగాల్) బొగ్గు గనుల్లో మైనింగ్ పనులు జరిగేటప్పుడు వరదలు వస్తాయి. ఆ ప్రమాదంలో 65 మంది కార్మికులు చిక్కుకుంటారు. వాళ్లని కాపాడడానికి మైనింగ్ ఇంజినీర్, రెస్క్యూ ఆఫీసర్ జశ్వంత్ సింగ్ గిల్ (అక్షయ్ కుమార్) వస్తాడు. కార్మికులను కాపాడే క్రమంలో ఆయనకు ఎదురైన సవాళ్లు ఏంటి? వాటిని ఎలా ఎదుర్కొన్నాడు? అందరినీ కాపాడగలిగాడా? అనే విషయాలు తెలుసుకోవాలంటే సినిమా చూడాల్సిందే. ఈ సినిమాలో ఎమోషన్స్, అక్షయ్ యాక్టింగ్ బాగున్నాయి. జశ్వంత్ సింగ్ క్యారెక్టర్లో అక్షయ్ పర్ఫార్మెన్స్ కట్టిపడేస్తుంది. కాకపోతే ఫస్టాఫ్ సాగదీతలా అనిపిస్తుంది. సెకండాఫ్ నుంచి కథలో స్పీడ్ పెరుగుతుంది.
రాక్షసుల అడ్డా
టైటిల్ : స్వీట్ హోం 2
డైరెక్షన్ : లీ ఇయుంగ్ బక్, జాంగ్ యోంగ్ వూ, పార్క్ సొ హ్యున్
కాస్ట్ : సాంగ్ కాంగ్, లీ జిన్ వూక్, గొ మిన్ సి, పార్క్ గ్యు యోంగ్, లీ దొ హ్యున్
లాంగ్వేజ్ : కొరియన్, ఇంగ్లిష్, హిందీ
ప్లాట్ ఫాం : నెట్ఫ్లిక్స్
సీజన్1లో చా హ్యున్ సు (సాంగ్ కాంగ్) అనే హైస్కూల్ స్టూడెంట్ చుట్టూ కథ తిరుగుతుంది. అందులో గ్రీన్ హోమ్ నివాసితులైన లీ జిన్ వూక్, లీ సి యోంగ్, గొ మిన్ సి, పార్క్ గ్యు యోంగ్లు ఇరుగుపొరుగు వాళ్లతో గొడవపడుతుంటారు. వాళ్లంతా ఒక్క రాత్రిలో రాక్షసులుగా మారిపోతారు. ఈ సీజన్లో ఏం జరుగుతుందంటే.. చా హ్యున్ సు గ్రీన్ హోమ్లో మిలిటరీకి సరెండర్ అయిపోవడంతో ఈ సీజన్ మొదలవుతుంది. మిగతా నివాసితుల ఇళ్లు రాక్షసులతో నిండిపోతాయి. వాళ్లలో కొందరు మిలిటరీ వాళ్లకు పట్టుబడతారు. వాళ్లంతా మిలిటరీ ఆర్డర్స్ ఫాలో అవుతుంటారు. మరో వైపు లీ సి యోంగ్ ఆర్మీ ఫోర్సెస్లో భాగమవుతుంది. మిగతా కథలో ఆమే కీలకం. చివరికి ఏమవుతుందనేది ఇంట్రెస్టింగ్ పాయింట్. కచ్చితంగా చూడాల్సిందే. హారర్ ఎలిమెంట్స్ ఉన్న ఈ సిరీస్ మొదటి సీజన్ బాగా పాపులర్ అయింది. దాంతో సీజన్ 2పై అంచనాలు పెరిగాయి. అందుకు తగ్గట్లే ఈసారి కథలో కొన్ని మార్పులు జరిగాయి. పర్ఫార్మెన్స్ విషయానికొస్తే.. సాంగ్ కాంగ్ యాక్టింగ్ చాలా బాగుంది.
