- మిస్సోరిలోని కన్సాస్ సిటీలో దారుణం
మిస్సోరి(అమెరికా): అమెరికాలోని మిస్సోరి రాష్ట్రంలో ఆదివారం కాల్పుల ఘటన చోటుచేసుకుంది. రాష్ట్రంలోని కాన్సస్ సిటీలో ప్రాస్పెక్ట్ అవెన్యూ 57 స్ట్రీట్లో తెల్లవారుజామున కాల్పుల శబ్దం వినిపించిందని పోలీసులకు సమాచారం అందింది. దీంతో అక్కడికి చేరు కున్న పోలీసులకు మూడు మృతదేహాలను గుర్తించారు. ఇద్దరు పురుషులు, ఒక మహిళకు చెందిన మృతదేహాలను గుర్తించినట్లు ప్రకటించారు. ప్రాథమిక విచారణలో శనివారం రాత్రి ఆ ఏరియాలో పెద్ద సంఖ్యలో జనం గుమి గూడిన దాఖలాలు ఉన్నాయని పోలీసులు తెలి పారు. బహుశా ఆ కార్యక్రమంలోనే గొడవ జరిగి కాల్పులకు దారితీసి ఉంటుందని అభిప్రా యపడ్డారు. అక్కడ ఎలాంటి కార్యక్రమం జరి గినట్లు తమకు సమాచారం అందలేదని వివ రించారు.
ఈ క్రమంలో అక్కడ చట్టవిరుద్ధమైన పనులేవో జరుగుతున్నట్లు పోలీసులు సం దేహం వ్యక్తంచేశారు. గాయపడ్డ ఐదుగురు బాధితులు వేర్వేరు ఆస్పత్రులలో చేరినట్లు సమాచారం అందిందన్నారు. ఈ ఏరియాకు దగ్గర్లోనే మరో కాల్పుల ఘటన చోటుచేసుకుందని పోలీసులు తెలిపారు. అయితే, అక్కడ ప్రాణనష్టం వివరాలు కానీ, బుల్లెట్ గాయాలైన బాధితుల వివరాలు కానీ వెల్లడించలేదు.
