మనదేశంలో వాడే కొన్ని ఫుడ్ ఐటమ్స్ విదేశాల నుంచి వచ్చినవే. వాటిలో వెనిగర్ ఒకటి. దీన్ని పోర్చుగీసువాళ్లు మనదేశంలోకి తెచ్చారు. అప్పటికే వెనిగర్ను చాలా దేశాల్లో వాడుతున్నారు. నిజానికి ఇది దాదాపు క్రీ.పూ. 3000 ఏండ్ల నాటిది. మరి దీని చరిత్ర ఏంటో తెలుసా?
పూర్వం లాంగ్ జర్నీ చేసేటప్పుడు ఫుడ్ పాడవకుండా ఉండేందుకు వెనిగర్ని ప్రిజర్వేటివ్గా వాడారు బాబిలోనియన్లు. ఆ కాలంలో రైతులు, ప్రయాణికులు వెనిగర్ని నీళ్లలో కలిపి, దాహమేసినప్పుడు తాగేవాళ్లు. అప్పటి నుంచి వెనిగర్ అనేది బేవరేజ్గా పాపులర్ అయింది. పురాతన గ్రీస్ దేశంలో ఇదొక సాధారణ డ్రింక్. తేనె, వెనిగర్, నీళ్లు కలిపి ఆక్సీడెస్ అనే ప్రత్యేకమైన పాత్రల్లో పోసేవారు. అందుకని ఆ డ్రింక్కి ‘ఆక్సీక్రాట్’ అనే పేరొచ్చింది. రోమన్లు వెనిగర్, నీళ్లు కలిపి తాగేవాళ్లు. దాన్ని ‘పోస్కా’ పేరుతో బాటిల్లో పోసి వీధుల్లో అమ్మేవాళ్లు. చైనాలో ‘ఝౌ’ డైనస్టీ అప్పుడు రాయల్ ఫ్యామీలీలు వెనిగర్ తయారుచేసేవాళ్లకి ప్రత్యేక పదవి ఇచ్చేవాళ్లు. ఆ తర్వాత 5–15వ శతాబ్దాల మధ్యలో వెనిగర్ యూరప్లో పాపులర్ అయింది. ఆ తర్వాత ఇటలీలో బాల్సమిక్ వెనిగర్ తయారైంది. కొంతకాలానికి వెనిగర్ తయారీ ఫ్రాన్స్లో ఎక్కువ లాభాలు తెచ్చి పెట్టే బిజినెస్గా మారింది. దాంతో ఆ దేశం సుమారు 150 రకాల వెనిగర్ని తయారుచేస్తోంది. బ్రిటన్లో కూడా వెనిగర్ ప్రొడక్షన్ పెరిగింది. ఇంగ్లండ్లో మాల్ట్ వెనిగర్ అనే కొత్త రకం తయారైంది. దాన్ని మొదట ‘ఎలెగర్’ అని పిలిచేవారు. అమెరికాలో మాత్రం సిడార్ వెనిగర్ ఎక్కువగా వాడతారు. 19వ శతాబ్దంలో ఇండస్ట్రీల్లో తయారుచేయడం మొదలైంది. దాంతో కొన్ని నెలల పాటు ఫెర్మెంటేషన్ (పులియబెట్టడం) చేసే ప్రాసెస్ని రెండు వారాలకు తగ్గించారు. అప్పుడే జపాన్ కూడా వెనిగర్ తయారుచేసే ఇండస్ట్రీలను మొదలుపెట్టింది. ఇక 20వ శతాబ్దం నాటికి వెనిగర్ ఒక రివల్యూషన్గా మారింది. ఒకటి లేదా రెండు రోజుల్లోనే ఫెర్మెంటేషన్ ప్రాసెస్ పూర్తయ్యేది.
రకరకాల ఫ్లేవర్స్లో..
డిస్టిల్డ్ వైట్ : ఎసిటిక్ యాసిడ్, నీళ్లు కలిపి దీన్ని తయారుచేస్తారు.
రెడ్ వైన్ : సలాడ్స్లో ఎక్కువగా వాడతారు. రెడ్ వైన్ని పులియబెట్టి ఈ వెనిగర్ని తయారుచేస్తారు. ఒకరకంగా చెప్పాలంటే.. ద్రాక్ష రసం నుంచి తయారైంది ఇది.
బాల్సమిక్ : ఈ వెనిగర్ ఇటలీలో తయారైంది. ఇది అన్ని రకాల వెనిగర్స్ కంటే కొంచెం డిఫరెంట్గా ఉంటుంది. ఇది కూడా ద్రాక్షల నుంచే తయారైంది. ఇది స్వీట్ ఫ్లేవర్. చూడ్డానికి నల్లగా ఉంటుంది.
రైస్ వెనిగర్ : రైస్ వైన్ని పులియబెట్టి దీన్ని తయారుచేశారు. ఇది ఆసియాకు చెందిన ఇండ్లలో ఎక్కువగా కనిపిస్తుంది. దీంట్లో ఆల్కహాల్ శాతం తక్కువ. ఏసియన్ రెసిపీల్లో కామన్గా వాడతారు.
కేన్ వెనిగర్ : చాలా తక్కువగా కనిపించే వెనిగర్స్లో ఇదొకటి. చెరకు (కేన్) రసంతో తయారుచేస్తారు. చెరకు రసంతో తయారైందని తియ్యగా ఉంటుంది అనుకుంటున్నారా? ఇది తియ్యగా ఉండదు.
కోకోనట్ వెనిగర్ : కొబ్బరి పాలతో తయారుచేసే వెనిగర్ ఇది. కోకోనట్ వెనిగర్ రుచి, వాసన డిఫరెంట్గా ఉంటాయి.
ఇవేకాకుండా యాపిల్, షాంపెయిన్, ఆప్రికాట్, బార్లీ లేదా ఓట్స్ మాల్ట్, బీర్ వంటి చాలా రకాలున్నాయి వెనిగర్లో.
హెల్త్కి మంచిదేనా?
యాపిల్ సిడార్ వంటి ఫ్రూట్ వెనిగర్ తీసుకోవడం వల్ల బరువు తగ్గుతారని ఒక రీసెర్చ్లో తేలింది. చాలాకాలంగా దీన్ని వెయిట్ లాస్ రెమెడీగా వాడుతున్నారు. వెనిగర్ తీసుకోవడం వల్ల హార్ట్కి మంచిదని, బీపీ, హైపర్ టెన్షన్ తగ్గుతాయని ఈ మధ్యనే ఒక స్టడీలో వెల్లడైంది. చర్మ ఆరోగ్యానికి వెనిగర్ ఉపయోగపడుతుంది. ఎగ్జిమా, చర్మం పొడిబారడం వంటివాటిని నయం చేస్తుంది. అలాగే చర్మాన్ని మెరిసేలా చేస్తుంది.
వెనిగర్ అనేది ఫ్రెంచ్ పదం ‘విన్ ఐగర్’ నుంచి వచ్చింది. అంటే పుల్లటి వైన్ అని అర్థం. వెనిగర్కి ఒక స్పెషల్ డే ఉందని తెలుసా! అదే నవంబర్ 1, ఆ రోజు నేషనల్ వెనిగర్ డే జరుపుకుంటారు. ఇండస్ట్రీల్లో తయారైన వంటల్లో, వైద్యంలో ఇప్పటికీ వాడుతున్న యాసిడ్ ఇది. వంటల్లోనే కాదు, కిచెన్ శుభ్రం చేయడానికి కూడా వెనిగర్ వాడతారు. వెనిగర్తో క్లీన్ చేయడంవల్ల బ్యాక్టీరియా రాదు. అలాగే కాటన్ డ్రెస్లపై పడిన మరకల్ని పోగొడుతుంది వెనిగర్.
