- కేటీపీఎస్ చీఫ్ ఇంజినీర్లు పీవీ రావు, ప్రభాకర్ రావు
- పాల్వంచలో టీఎస్ జెన్కో ఇంటర్ ప్రాజెక్టు క్రీడలు ప్రారంభం
పాల్వంచ, వెలుగు : టీఎస్ జెన్కో ఇంటర్ ప్రాజెక్టు పరిధిలో నిర్వహిస్తున్న క్రీడలు కార్మి కుల్లో పోటీ తత్వాన్ని పెంచేందుకు దోహదపడుతున్నాయని తెలంగాణ కేటీపీఎస్ 5 ,6 దశల చీఫ్ ఇంజినీర్ మేక ప్రభాకర్ రావు,7వ దశ చీఫ్ ఇంజినీర్ పి.వెంకటేశ్వర రావు అన్నారు. తెలంగాణ జెన్కో పరిధిలో ఇంటర్ ప్రాజెక్ట్ ఫుట్ బాల్, బ్యాడ్మింటన్ పోటీలను మంగళవారం పాల్వంచలోని విద్యుత్ కళాభారతి, సెంట్రల్ ఆఫీస్ క్రీడా ప్రాంగణాల్లో ఘనంగా ప్రారంభించారు.
ఈ సందర్భంగా వారు మాట్లాడుతూ కార్మికులు ప్రశాంత వాతావరణంలో పోటీతత్వంతో క్రీడల్లో పాల్గొనాలన్నారు. మూడు రోజులు పాటు నిర్వహించే ఈ క్రీడలను సద్వినియోగం చేసుకోవాలని సూచించారు. టీఎస్ జెన్కో స్పోర్ట్స్ ఆఫీసర్ లోహితా నంద్ అధ్యక్షతన కేటీపీఎస్ 7వ దశ స్పోర్ట్స్ కౌన్సిల్ ఆధ్వర్యంలో నిర్వహిస్తున్నారు. కార్యక్రమంలో కేటీపీఎస్, బీటీపీఎస్ స్పోర్ట్స్ సెక్రటరీలు వై.వెంకటేశ్వర్లు, వీరస్వామి, కల్తి నరసింహారావు పాల్గొన్నారు.
