నస్పూర్ పట్టణంలోని ఇన్స్పైర్లో సత్తాచాటిన విద్యార్థులు

నస్పూర్ పట్టణంలోని  ఇన్స్పైర్లో  సత్తాచాటిన విద్యార్థులు

నస్పూర్, వెలుగు: నేటి బాలలే రేపటి శాస్త్రవేత్తలు అని మంచిర్యాల జిల్లా అడిషనల్ కలెక్టర్ చంద్రయ్య, డీఈవో యాదయ్య అన్నారు. గత మూడు రోజులుగా నస్పూర్ పట్టణంలోని ఆక్స్​ఫర్డ్ హై స్కూల్ లో జరిగిన ఇన్​స్పైర్ బాలవైజ్ఞానిక ప్రదర్శన ముగింపు కార్యక్రమంలో వారు చీఫ్​ గెస్ట్​లుగా పాల్గొన్నారు. 

ఈ సందర్భంగా మాట్లాడుతూ.. ఇన్​స్పైర్ ప్రదర్శనలతో పిల్లల్లో దాగున్న టాలెంట్ బయటకు వస్తుందన్నారు. ప్రభుత్వాలు సైన్స్​కు ప్రాముఖ్యత ఇస్తున్నాయని, అనేక సదుపాయాలు కల్పిస్తున్నాయని తెలిపారు. జిల్లా విద్యార్థులు అద్భుత ప్రదర్శనలు చేస్తూ జాతీయ స్థాయి పోటీలకు అర్హత సాధిస్తున్నారని హర్షం వ్యక్తం చేశారు. 

వివిధ విభాగాల్లో రాష్ట్రస్థాయి పోటీలకు ఎంపికైన 11 మందికి, వైజ్ఞానిక ప్రదర్శనలో గెలిచిన వారికి బహుమతులు, ప్రశంసాపత్రాలు అందించారు. జిల్లా సైన్స్ అధికారి రాజగోపాల్, నస్పూర్ ఎంఈవో పద్మజ, ఎస్ ఓ విజయలక్ష్మి, ట్రస్మా నాయకులు మల్లెత్తుల రాజేంద్రపాణి, రామకృష్ణారెడ్డి, ఉపేందర్, బత్తిని దేవన్న, సిద్దయ్య , వివిధ మండలాల ఎంఈవోలు, అధికారులు, ఢిల్లీ డిఫెన్స్ అకాడమీ చైర్మన్ సతీశ్ రెడ్డి, టీచర్లు పాల్గొన్నారు.