నాగర్ కర్నూల్ టౌన్, వెలుగు : డిఫిబ్రిలేటర్ తో గుండెపోటు బాధితుల ప్రాణాలు కాపాడవచ్చని డీఎంహెచ్వో సుధాకర్ లాల్ తెలిపారు. మంగళవారం డీఎంహెచ్వో ఆఫీస్ లో పీహెచ్సీ డాక్టర్లతో మీటింగ్ నిర్వహించారు. ఈ సందర్భంగా ఆయన మాట్లాడుతూ గుండెపోటుతో అనేక మంది చనిపోతున్నారని చెప్పారు. గుండెపోటు మరణాలను అరికట్టేందుకు డాక్టర్లు సిద్ధంగా ఉండాలని కోరారు.
సీపీఆర్ చేయడం, ఆటోమేటెడ్ ఎక్స్‌‌‌‌‌‌‌‌‌‌‌‌‌‌‌‌టర్నల్, డిఫిబ్రిలేటర్ పరికరాలను జిల్లాలోని అన్ని పీహెచ్సీల్లో అందుబాటులో ఉన్నాయని, వాటిని ఉపయోగించడంపై డాక్టర్లకు ట్రైనింగ్ ఇస్తున్నట్లు తెలిపారు. ట్రైనర్ హేమప్రసాద్ ఆటోమేటెడ్ ఎక్స్‌‌‌‌‌‌‌‌‌‌‌‌‌‌‌‌టర్నల్, డిఫిబ్రిలేటర్ పై అవగాహన కల్పించారు. ప్రోగ్రాం ఆఫీసర్లు డా.రవి నాయక్, డా.కృష్ణ మోహన్, డా.ప్రదీప్, రేనయ్య, విజయకుమార్, ప్రవీణ్ పాల్గొన్నారు.
