నిజామాబాద్/ కామారెడ్డి, వెలుగు : బాల్కొండ సెగ్మెంట్ కాంగ్రెస్ అభ్యర్థిగా ప్రచారమవుతున్న ఆరెంజ్ ట్రావెల్స్ అధినేత, ముత్యాల సునీల్రెడ్డి మంచోడంటూ ఎమ్మెల్సీ కవిత కామెంట్ చేశారు. అయితే ఆయన చేరిన పార్టీ మంచిది కాదన్నారు. సోమవారం నిజామాబాద్ జిల్లా కమ్మర్పల్లి మండలం చౌట్ పల్లి విలేజ్లో మంత్రులు ప్రశాంత్రెడ్డి, ఇంద్రకరణ్రెడ్డితో కలిసి కవిత పలు అభివృద్ధి పనులకు శంకుస్థాపనలు చేశారు. అలాగే కామారెడ్డిలో పార్టీ నేతలు ఎమ్మెల్యే గంపగోవర్ధన్, మూజీబుద్దీన్ కలిశారు. తర్వాత మీడియాతో మాట్లాడారు. సునీల్రెడ్డి మన పార్టీలో ఉన్నడు. జాగృతిలో పనిచేసిండు. రైట్ పర్సన్.. కానీ రాంగ్ పార్టీ కాంగ్రెస్లోకి వెళ్లిండు’ అని అన్నారు.
పిలవగానే నలుగురికి సాయం చేయొచ్చు కానీ ఏ పార్టీలో ఉన్నాడనే విషయం ముఖ్యమన్నారు. ఎలక్షన్లో ప్రచారానికి వచ్చినప్పుడు వాళ్ల సీఎం అభ్యర్థి ఎవరో అడగాలన్నారు. ఎన్నికలు అల్కగ తీసుకునేవి కావు. మనరాతలను మనమే రాసుకునేవి. 60 ఏండ్లు ఆగమై స్వరాష్ట్రంలో ఇప్పుడిప్పుడే గట్టుకు పడుతున్నం. కసి, పట్టుదలతో పనిచేసే లీడర్ ఉండాలె. ఉట్టి లీడర్లు కాదు గట్టి లీడర్లు కావాలె. అభివృద్ధి ఆగొద్దు, గుండు, గుండుసున్నా కావద్దన్నారు. సీఎం కేసీఆర్కు మంత్రి ప్రశాంత్రెడ్డి సైనికుడిలాంటి వ్యక్తని అన్నారు. ప్రశాంత్రెడ్డికి వేసే ఓటు కేసీఆర్కు బలమైతదన్నారు. సీఎం కేసీఆర్నియ్యత్ బాగుంది కాబట్టే వానలు కురుస్తున్నయన్నారు.
కాంగ్రెస్ది ఫాల్స్ డిక్లరేషన్
కాంగ్రెస్ ప్రకటించింది దళిత డిక్లరేషన్కాదని, అది ఫాల్స్ డిక్లరేషన్ అని కవిత విమర్శించారు. ఎన్నికలొస్తున్నాయనే కాంగ్రెస్ ఎస్సీ డిక్లరేషన్ సభ, బీజేపీ రైతు సభ పేరిట ప్రజలను పక్కదోవ పట్టించే ప్రయత్నం చేస్తున్నాయన్నా రు. లోకల్ లీడర్లను ప్రజలు నమ్మరనే ఖర్గేను తీసుకొచ్చారని, కాంగ్రెస్ డిక్లరే షన్లో చెప్పినవన్నీ ఇప్పటికే రాష్ట్రంలో అమలవుతున్నాయని చెప్పారు. అమిత్షా రైతుల గురించి మాట్లాడడం పెద్ద జోక్ అన్నారు. బీజేపీ ఏ మొహం పెట్టుకొని ఖమ్మంలో రైతు సదస్సు నిర్వహించిందని ప్రశ్నిం చారు. వ్యూహంలో భాగంగానే కేసీఆర్ కామారెడ్డి నుంచి పోటీ చేస్తు న్నారని చెప్పారు. షబ్బీర్అలీని ఓడిం చేందుకు కేసీఆర్ రావాల్సినంతటి అవసరం లేదని అన్నారు.
