సూర్యాపేటను డ్రగ్స్ రహిత జిల్లాగా మార్చాలి : మిడతపల్లి గణపతి

సూర్యాపేటను డ్రగ్స్ రహిత జిల్లాగా మార్చాలి :   మిడతపల్లి గణపతి

సూర్యాపేట, వెలుగు: సూర్యాపేట జిల్లాను డ్రగ్స్ రహిత జిల్లాగా మార్చేందుకు ప్రతి ఒక్కరూ కృషి చేయాలని  డ్రగ్ డీ -అడిక్షన్ సెంటర్ ఇంచార్జి  మిడతపల్లి గణపతి అన్నారు. శుక్రవారం నషా ముక్త్ భారత్ అభియాన్ లో భాగంగా హోలీ క్రాస్ ఫౌండేషన్ ఆధ్వర్యంలో ఐలాపురం గ్రామంలో మాదకద్రవ్యాల నిర్మూలనపై విస్తృత అవగాహన కార్యక్రమం నిర్వహించారు. ఈ కార్యక్రమానికి ముఖ్య అతిథిగా  పాల్గొన్న ఆయన  డ్రగ్స్ వల్ల కలిగే నష్టాలపై అవగాహన కల్పించారు. 

సూర్యాపేట జిల్లాను డ్రగ్స్ రహిత జిల్లాగా మార్చడమే లక్ష్యంగా హోలీ క్రాస్ ఫౌండేషన్ పనిచేస్తుందని అన్నారు. డ్రగ్స్,మద్యం బారిన పడిన బాధితులకు అండగా తమ  సెంటర్ పనిచేస్తుందన్నారు.  ఈ సందర్భంగా ఐలాపురంలో ఏర్పాటు చేసిన డ్రగ్ డీ-అడిక్షన్ సెంటర్ ద్వారా నిపుణుల పర్యవేక్షణలో ఉచిత వైద్యం, కౌన్సిలింగ్, పునరావాస సేవలు అందిస్తున్నామని తెలిపారు.