నాగర్ కర్నూల్, వెలుగు : నాగర్ కర్నూల్ జిల్లాలో సంచలనం సృష్టించిన 11 మంది సీరియల్ హత్య కేసులో నిందితుడు రామాటి సత్యనారాయణకు సహకరించిన పాత సీఐ జక్కుల హన్మంతును మల్టీ జోన్–-2 ఐజీ తరుణ్ జోషి సస్పెండ్ చేశారు.
నాగర్ కర్నూల్ పోలీస్ స్టేషన్ లో నమోదైన మర్డర్ కేసులో నిందితుడికి సీఐ సహకరించినట్లు విచారణలో తేలిందని ఓ ప్రకటనలో ఐజీ తెలిపారు. జక్కుల హనుమంతు ప్రస్తుతం సంగారెడ్డిలో పనిచేస్తున్నారు. మాయలు, మంత్రాలు, గుప్తనిధుల ముసుగులో 11 మందిని రామాటి సత్యనారాయణ హత్య చేసిన విషయం తెలిసిందే.
