ఇంట్లో గోడలు, లివింగ్ రూమ్, హాల్లో మాత్రమే డెకరేషన్ ఐటమ్స్ పెడతారు చాలామంది. కానీ కాలింగ్ బెల్, ఛార్జింగ్ పాయింట్, టీవీ స్విచ్ వంటి వాటిని అలానే వదిలేస్తారు. రోజూ ఉపయోగించే వీటికి కూడా రంగురంగుల స్టిక్కర్స్ అతికిస్తే ఇంటి డెకరేషన్ కంప్లీట్ అవుతుంది. స్విచ్ల మీద లేదా పక్కన రకరకాల పూల కొమ్మలు, జంతువులు, పక్షుల బొమ్మలున్న స్టిక్కర్స్ అతికిస్తే స్విచ్ బోర్డ్లు కొత్తగా కనిపిస్తాయి. ముఖ్యంగా పిల్లల గదిలో ఎలక్ట్రిక్ బోర్డ్ స్విచ్లను ఇలా డెకరేట్ చేస్తే వాళ్తు మస్త్ ఖుషీ అవుతారు. వీటి ధర కూడా తక్కువే. సైజ్, రకాన్ని బట్టి మార్కెట్లో, ఆన్లైన్లో ఇవి రూ.85 నుంచి 150 రూపాయల వరకు దొరుకుతున్నాయి.