హైదరాబాద్, వెలుగు: పెయింట్స్ తయారు చేసే హైదరాబాద్ కంపెనీ టెక్నో పెయింట్స్ అండ్ కెమికల్స్ 2026–27 ఆర్థిక సంవత్సరంలో ఐపీఓ ద్వారా రూ.500 కోట్లు సేకరిస్తామని ప్రకటించింది. క్రికెటర్ సచిన్ టెండూల్కర్ను బ్రాండ్ అంబాసిడర్ గా నియమించుకుంది. ఆయనతో పనిచేయడం గర్వకారణమని టెక్నో పెయింట్స్ చైర్మన్ ఆకూరి శ్రీనివాస్ రెడ్డి హైదరాబాద్లో శనివారం జరిగిన మీడియా సమావేశంలో తెలిపారు.
2024-25 ఆర్థిక సంవత్సరంలో రూ.210 కోట్ల ఆదాయం సాధించిన కంపెనీ, ప్రస్తుత ఆర్థిక సంవత్సరంలో రూ.450 కోట్ల రెవెన్యూ ఆశిస్తోంది. 2029-–30 నాటికి రూ.2,000 కోట్ల ఆదాయమే లక్ష్యమని ప్రకటించింది. డెకరేటివ్, ఇండస్ట్రియల్, స్పెషాలిటీ విభాగాల్లో మూడు వేల షేడ్స్లో పెయింట్స్ను ఈ సంస్థ తయారు చేస్తోంది. ప్రస్తుతం తెలంగాణ, ఆంధ్రప్రదేశ్, కర్ణాటక, మహారాష్ట్ర, గుజరాత్, ఢిల్లీ, ఒడిశా, చండీగఢ్లో కార్యకలాపాలు సాగిస్తోంది.
ఈ ఏడాది చివరినాటికి హిమాచల్ ప్రదేశ్, తమిళనాడు, రాజస్థాన్, పశ్చిమ బెంగాల్, ఉత్తరప్రదేశ్కు విస్తరించాలని భావిస్తోంది. 2026–-27 ఆర్థిక సంవత్సరంలో మిడిల్ ఈస్ట్ మార్కెట్లోకి ప్రవేశించనుంది.
