న్యూఢిల్లీ, వెలుగు: దేశవ్యాప్తంగా తెలంగాణ రాష్ట్ర ఆవిర్భావ వేడుకలను కేంద్ర ప్రభుత్వం ఘనంగా నిర్వహించింది. దాదాపు 20 రాష్ట్రాలు/కేంద్ర పాలిత ప్రాంతాల్లో వేడుకలు చేపట్టింది. ‘ఏక్ భారత్–శ్రేష్ట్ భారత్’ నినాదంతో దేశమంతా ఒక్కటే అని చెప్పేందుకు అన్ని రాజ్భవన్లలో ‘తెలంగాణ ఆవిర్భావ వేడుకలు’ నిర్వహించాలని పోయిన నెల 30న కేంద్రం లేఖలు పంపింది. ఏపీ, తమిళనాడు, యూపీ, బెంగాల్, ఢిల్లీ, బీహార్, జార్ఖండ్, మధ్యప్రదేశ్, గుజరాత్, చత్తీస్గఢ్, హిమాచల్ ప్రదేశ్, మహారాష్ట్ర, ఒడిశా, పంజాబ్, సిక్కిం, పుదుచ్చేరి, లడఖ్, అస్సాం, జమ్మూ–కాశ్మీర్, గోవా, మిజోరాం, మణిపూర్, మేఘాలయ రాజ్భవన్లలో వేడుకలు చేపట్టింది.
ఢిల్లీ తెలంగాణ భవన్లో వేడుకలు
ఢిల్లీలోనూ తెలంగాణ ఆవిర్భావ దశాబ్ది ఉత్సవాలు ఘనంగా జరిగాయి. రాష్ట్ర ప్రభుత్వం ఆధ్వరంలో ఢిల్లీలోని తెలంగాణ భవన్లో వేడుకలు నిర్వహించారు. ఢిల్లీలోని ఫ్రాన్స్ ఎంబసీ ప్రతినిధి లారెంట్ ట్రిపోనే చీఫ్ గెస్ట్గా హాజరయ్యారు. ఉదయం ఢిల్లీలో రాష్ట్ర ప్రత్యేక ప్రతినిధి(ఎస్ఆర్) మందా జగన్నాథం జాతీయ జెండా ఆవిష్కరించి వేడుకలు ప్రారంభించారు. తర్వాత కేఎం సాహ్ని, తెలంగాణ భవన్ రెసిడెంట్ కమిషనర్ గౌరవ్ ఉప్పల్, ఓఎస్డీ సంజయ్ జాజుల తెలంగాణ తల్లి విగ్రహానికి పూలమాలలు వేశారు.ఢిల్లీలోని రాజ్నివాస్లో జరిగిన వేడుకల్లో లెఫ్టినెంట్ గవర్నర్ వినయ్ కుమార్ సక్సేనా పాల్గొన్నారు.
