అమీన్పూర్, పటాన్చెరు, వెలుగు: పటాన్చెరులోని మైత్రి మైదానంలో రాష్ట్ర స్థాయి ఖోఖో పోటీలు అట్టహాసంగా ప్రారంభమయ్యాయి. మూడు రోజుల పాటు జరిగే తెలంగాణ అండర్14 ఖోఖో బాల బాలికల అంతర్ జిల్లాల చాంపియన్షిప్‌ 2025 పోటీలను టీజీ ఐఐసీ చైర్ పర్సన్ నిర్మల జగ్గారెడ్డి, ఖోఖో అసోసియేషన్ రాష్ట్ర అధ్యక్షుడు జంగా రాఘవరెడ్డితో కలిసి ఎమ్మెల్యే గూడెం మహిపాల్ రెడ్డి శుక్రవారం ప్రారంభించారు.
ఈ సందర్భంగా ఎమ్మెల్యే మాట్లాడుతూ..పటాన్చెరు నియోజకవర్గ కేంద్రాన్ని క్రీడలకు కేంద్రంగా తీర్చిదిద్దుతున్నామన్నారు. విద్యార్థులకు నిరంతరం ఉచిత శిక్షణ, క్రీడా పోటీలు నిర్వహిస్తున్నట్లు చెప్పారు. రాబోయే రోజుల్లో జాతీయ స్థాయి పోటీలకు సైతం అతిథ్యం అందించబోతున్నట్లు పేర్కొన్నారు. మూడు రోజుల పాటు జరిగే క్రీడోత్సవాలకు సంపూర్ణ సహకారం అందిస్తు అన్ని వసతులు ఏర్పాటు చేశామన్నారు.
నిర్మలజగ్గారెడ్డి మాట్లాడుతూ సీఎం రేవంత్రెడ్డి ప్రభుత్వం క్రీడలకు అధిక ప్రాధాన్యత ఇస్తున్నదని చెప్పారు. జాతీయ, అంతర్జాతీయ పోటీల్లో పాల్గొనే విధంగా క్రీడాకారులకు శిక్షణ అందిస్తోందన్నారు. కార్యక్రమంలో మాజీ జడ్పీ వైస్ చైర్మన్ ప్రభాకర్, సీఐ వినాయక్రెడ్డి, మాజీ జడ్పీటీసీ సుధాకర్రెడ్డి, మాజీ ఎంపీపీ యాదగిరియాదవ్, మార్కెట్ కమిటీ మాజీ చైర్మన్ విజయ్కుమార్, ఖోఖో అసోసియేషన్ జిల్లా అధ్యక్షుడు హరికిషన్, కార్యదర్శి శ్రీకాంత్, మైత్రి క్రికెట్క్లబ్అధ్యక్షుడు హనుమంత్రెడ్డి, ఎస్జీఎఫ్ జిల్లా కార్యదర్శి శ్రీనివాస్, పీడీలు, క్రీడాకారులు పాల్గొన్నారు.
