మిల్కీ బ్యూటీ తమన్నా(Thamannaah) నటిస్తున్న లేటెస్ట్ హాట్ వెబ్ సిరీస్ లస్ట్ స్టోరీస్2(Lust Stories2). రొమాంటిక్ అండ్ బోల్డ్ కంటెంట్ తో రానున్న ఈ సిరీస్.. జూన్ 29న ప్రముఖ ఓటీటీ సంస్థ నెట్ ఫ్లిక్స్(Netflix) లో స్ట్రీమింగ్ కానుంది. దీంతో ప్రమోషన్ పనుల్లో ఫుల్ బీజాగా ఉన్నారు చిత్ర యూనిట్. ఇందులో భాగంగానే తాజాగా ఓ ఇంటర్వ్యూలో పాల్గొంది తమన్నా.
Also Read : ఆడిషన్స్కు అలా వెళితేనే అవకాశాలు : అర్చన గౌతమ్
ఈ ఇంటర్వ్యూలో సిరీస్ గురించి, తన ప్రియుడు విజయ్ వర్మ(Vijay varma) గురించి ఆసక్తికర కామెంట్స్ చేసింది. "నేను ఈ సిరీస్ కోసం మొత్తం ఎనిమిది రోజులు షూటింగ్ లో పాల్గొన్నాను. ఎందుకో ఈ సిరీస్ చాలా ఇబ్బందిగా అనిపించింది. మొదటి రోజు షూట్ క్యాన్సిల్ చేసినప్పుడు.. ఈ సిరీస్ పట్ల తాను భయంగా ఉన్నట్లు విజయ్ భావించాడు కానీ.. నేను ఓ టాలెంటెడ్ యాక్టర్ తో పనిచేసే అవకాశం వచ్చిందని అనుకున్నాను. అంతే కాదు విజయ్ ఓ ఊసరవెల్లి లాంటి వాడు. పాత్ర కోసం ఎలాగైనా మారిపోతాడు. నేను అతని గత సినిమాలు కూడా చూశాను" అంటూ నవ్వుతూ ప్రియుడిపై పొగడ్తల వర్షం కురిపించింది తమన్నా. ప్రస్తుతం ఈ వీడియోలో సోషల్ మీడియాలో వైరల్ గా మారింది.
