కొన్ని సినిమాలు కేవలం హిట్‌లుగా మిగిలిపోవు. అవి ఒక తరం జ్ఞాపకంగా, ఒక కల్ట్‌గా చరిత్రలో నిలిచిపోతాయి. అలాంటి చిత్రమే 'బాహుబలి' ( Baahubali ). పదేళ్లు గడిచినా, బాహుబలి గురించి మాట్లాడుకోవడం, దానిని గుర్తుచేసుకోవడం జరుగుతూనే ఉంది. ఈ చిత్రానికి ఎస్.ఎస్. రాజమౌళి ( SS Rajamouli ) దర్శకత్వం వహించిన విధానం, ప్రభాస్ ( Prabhas ), అనుష్క శెట్టి ( Anushka Shetty ) మధ్య కెమిస్ట్రీ ప్రపంచవ్యాప్తంగా ప్రశంసలు అందుకున్నాయి. బాక్సాఫీస్ వద్ద ఈ చిత్రం నెలకొల్పిన రికార్డులు అన్నీ ఇన్నీ కావు. జూలై 2025లో బాహుబలి 10 ఏళ్లు పూర్తి చేసుకున్న సందర్భంగా, దానిపై ఉన్న పిచ్చి అభిమానులను మాత్రమే కాదు, ఆస్ట్రేలియా క్రికెటర్ డేవిడ్ వార్నర్ను కూడా ఆవహించింది.
రెండు రోజుల క్రితం క్రికెటర్ డేవిడ్ వార్నర్ ( David Warner ) తన ఇన్‌స్టాగ్రామ్ ఖాతాలో బాహుబలి గెటప్‌లో ఉన్న కొన్ని చిత్రాలను పంచుకున్నారు. ఈ ఫోటోలలో వార్నర్ 'బాహుబలి' గెటప్ లో కవచం, డాలు, కిరీటం ధరించి కనిపించారు. “త్రోబ్యాక్ కోసం మీరు ఏది ఇష్టపడతారు?? #bahubali” అని ఆయన తన పోస్ట్‌కు క్యాప్షన్ ఇచ్చారు. ఈ ఫోటోలు చూసిన నెటిజన్లు ఆశ్చర్యపోయారు. చిల్, నేను నిన్ను నా సినిమాలలో ఒకదానిలో తీసుకుంటాను. హహహ అని ఒకరు సరదాగా వ్యాఖ్యానించగా, మరొకరు "దేవేంద్ర వార్నర్బలి" అని పిలిచారు. "ఆస్ట్రేలియాలో #బాహుబలిదిఎపిక్ చూస్తున్నారా?" అని ఒకరు ప్రశ్నించగా, మీరు బాగా సరిపోతారు. మీరు ఈ రూపాన్ని అలాగే ఉంచుకోవాలి అని మరొకరు సలహా ఇచ్చారు.
►ALSO READ | Saiyaara: 11 రోజుల్లో 256 కోట్ల కలెక్షన్స్.. ఈ హీరోహీరోయిన్ ఎవరికీ తెలియదు.. ఇద్దరికీ ఫస్ట్ సినిమా..!
అయితే, ఈ పన్నీ సంభాషణ అక్కడితో ఆగలేదు. రాజమౌళి స్వయంగా వార్నర్ పోస్ట్‌పై వ్యాఖ్యానించారు. “హాయ్ వార్నర్, నిజమైన మాహిష్మతి రాజులాగా దుస్తులు ధరించడానికి ఇది సమయం. మీకు ఒక రాజ కిరీటం పంపిస్తున్నాను! @davidwarner31అని రాజమౌళి వ్యాఖ్యానించారు. రాజమౌళి వంటి అంతర్జాతీయ దర్శకుడు ఇలాంటి వ్యాఖ్య చేయడం వార్నర్ అభిమానులకు మరింత ఆనందాన్నిచ్చింది. సినిమా పట్ల, వార్నర్ పట్ల రాజమౌళికి ఉన్న ప్రేమను తెలియజేస్తుందని ప్రశంసిస్తున్నారు. ఇటీవల రాజమౌళీ డైరెక్షన్ లో వార్నర్.. క్రెడ్ ( Cred ) యాడ్ కూడా లో నటించారు.
బాహుబలి పిచ్చి సరిహద్దులు దాటింది అనడానికి ఇది మరో ఉదాహరణ. విడుదలైన దశాబ్దం తర్వాత కూడా ప్రభాస్ నటించిన ఈ చిత్రం క్రేజ్ ఇంకా కొనసాగుతోంది. బాహుబలి: ది బిగినింగ్ ,దాని సీక్వెల్ బాహుబలి 2: ది కన్‌క్లూజన్ రెండూ సినీ చరిత్రలోనే అతిపెద్ద బ్లాక్‌బస్టర్ హిట్ నిలిచాయి. ఈ మూవీ పదేళ్లు పూర్తవుతున్న సందర్భంగా, రాజమౌళి 'బాహుబలి: ది ఎపిక్' ( Baahubali The Epic ) పేరుతో రెండు భాగాల చిత్రాలను కలిపి ఒకే గ్రాండ్ ప్రెజెంటేషన్‌గా విడుదల చేయనున్నట్లు ప్రకటించారు. ఇది ప్రపంచవ్యాప్తంగా అక్టోబర్ 31, 2025న థియేటర్లలోకి రానుంది.
