భద్రాద్రికొత్తగూడెం,వెలుగు: ప్రతి నెలా ఒకటో తారీఖునే పెన్షన్ఇచ్చే విధంగా ప్రభుత్వం చర్యలు తీసుకోవాలని గవర్నమెంట్పెన్షనర్స్జాయింట్యాక్షన్ కమిటీ(జేఏసీ) కోఆర్డినేటర్ ఎం.కోటేశ్వరరావు డిమాండ్ చేశారు. ప్రభుత్వ పెన్షనర్ల సమస్యలను పరిష్కరించాలని డిమాండ్ చేస్తూ కలెక్టరేట్ఎదుట బుధవారం ధర్నా నిర్వహించారు. దీనిలో ఆయన మాట్లాడారు. నెలలో పెన్షన్ ఎప్పుడు వస్తుందో తెలియక ఇబ్బందులు పడుతున్నామన్నారు.
వచ్చే జులై నుంచి ఐఆర్ ప్రకటించాలన్నారు. కొత్త పెన్షన్విధానాన్ని రద్దు చేసి పాత పెన్షన్ విధానాన్నే కొనసాగించాలన్నారు. ప్రతి జిల్లాలో రెండు వెల్ నెస్సెంటర్లను ఏర్పాటు చేయాలన్నారు. అనంతరం వినతిపత్రాన్ని డీఆర్వో అశోక్ కుమార్కు అందించారు. ప్రోగ్రాంలో లీడర్లు బి.వెంకటేశ్వరరావు, కె. వెంకటేశ్వరరావు, థామస్, ఉమామహేశ్వరరావు, పుల్లయ్య, సత్యనారాయణ, నాగరాజు, కోటమ్మ, మేరీ, సామ్యూల్పాల్గొన్నారు.
