చాలామంది జాబ్స్ కోసం ఆన్లైన్లో వెతుకుతారు. అప్లయ్ చేస్తారు. డీటైల్స్ అందిస్తారు. జాబ్కి అప్లయ్ చేశాక కన్ఫార్మ్ అయిందా? లేదా? అనేది వారం పది రోజుల్లో చెబుతారు. కానీ, అమెరికాకు చెందిన జాయ్ జాన్సన్కు మాత్రం ఎనిమిదేళ్ల తర్వాత రిప్లయ్ వచ్చింది. అది చూసి షాక్ అయిన ఆమె దాన్ని ఇంటర్నెట్లో పోస్ట్ చేసింది. జాయ్ జాన్సన్కు ఇప్పుడు 39 ఏండ్లుంటాయి. 2013లో జాబ్ కోసం చాలా వెతికింది. లింక్డిన్లో ప్రొఫైల్ క్రియేట్ చేసి జాబ్ నోటిఫికేషన్లు పడినప్పుడల్లా అప్లయ్ చేసేది. అలా ఒకసారి ఓ స్కూల్లో టెక్నికల్ అసిస్టెంట్ జాబ్కి అప్లయ్ చేసి. వాళ్ల నుంచి రిప్లయ్ వస్తుందని ఎదురు చూసింది. కానీ, ఆ టైంలో ఎలాంటి రిప్లయ్ రాలేదు. ఆ తర్వాత ఎన్ని జాబ్స్ ట్రై చేసినా ఎక్కడా ఉద్యోగం దొరకలేదు. దాంతో తానే ‘zoebeebeauty’ అనే స్కిన్ కేర్ స్టార్టప్ను పెట్టింది. అది అమెరికాలో ఇప్పుడు ఎంతో ఫేమస్ కూడా. ఈ క్రమంలో ఆమెకు ఇటీవల లింక్డిన్లో ఓ నోటిఫికేషన్ వచ్చింది. ‘ థాంక్స్ ఫర్ రీచింగ్ ఔట్’ అంటూ జాబ్ రిక్వెస్ట్ రిజెక్ట్ చేసినట్టు వచ్చిన మెసేజ్ అది. 2013లో అప్లయ్ చేసిన జాబ్కు ఇప్పుడు వచ్చిన రిప్లయ్. రిప్లయ్‌‌ను చూసిన జాయ్ నవ్వుకుంది. దాన్ని స్క్రీన్షాట్ తీసి ఇన్స్టాలో పోస్ట్ చేసింది. అది ఇప్పుడు సోషల్మీడియాలో చాలా స్పీడ్గా తిరుగుతోంది.
