- పెండ్లి పేరుతో మోసం చేశాడని యువతి కంప్లయింట్
నిజామాబాద్, వెలుగు : పెండ్లి చేసుకుంటానని యువతిని మోసగించిన కేసులో ఇందల్వాయి ఎస్ఐ మహేశ్పై బుధవారం కేసు నమోదైంది. కామారెడ్డికి చెందిన ఓ యువతి ఫేస్బుక్లో పరిచయం కాగా మహేశ్ పెండ్లి చేసుకుంటానని నమ్మించాడు. ఇద్దరూ కలిసి హైదరాబాద్తో పాటు చాలాచోట్ల తిరిగారు. పెండ్లి ప్రస్తావన తెచ్చినప్పుడల్లా దాటవేస్తుండడంతో అనుమానించిన సదరు యువతి ఆదివారం రాత్రి మహేశ్పనిచేసే స్టేషన్కు వచ్చి బైఠాయించింది.
సిబ్బంది సూచన మేరకు వెళ్లిపోయిన ఆమె మరుసటి రోజు సీపీ కల్మేశ్వర్ను కలిసి కంప్లయింట్ఇచ్చింది. అప్పటికే ఎస్ఐ మహేశ్గవర్నమెంట్సిమ్కార్డును ఠాణాలో అప్పగించి లీవ్లో వెళ్లిపోయాడు. బాధితురాలి ఫిర్యాదు మేరకు ఎస్బీ ఆఫీసర్తో సీపీ విచారణ చేయించగా అంతా నిజమేనని తేలింది. దీంతో ఎస్ఐగా పనిచేస్తున్న స్టేషన్లోనే మహేశ్పై కేసు నమోదు చేశారు.
