ఓ యూట్యూబ్ వ్లాగర్ ను ముగ్గురు మహిళలు బడిత పూజ చేశారు. మహిళల గురించే మాట్లాడతావా..? క్షమాపణలు చెప్పాలంటూ తిరగబడ్డారు. కేరళ తంపానూర్ పోలీస్ స్టేషన్ పరిమితి పరిధిలో విజయ్ అనే వ్యక్తి నివాసం ఉంటున్నారు. ఓ వైపు డాక్టర్ గా విధులు నిర్వహిస్తూనే మరోవైపు యూట్యూబ్ వ్లాగర్ గా చెలామణి అవుతున్నారు.
ఈ నేపథ్యంలో డాక్టర్ విజయ్ యూట్యూబ్ లో దేశంలో స్త్రీవాదులు, ముఖ్యంగా కేరళకు చెందిన స్త్రీవాదులు లోదుస్తుల్ని ఎందుకు ధరించరంటూ వీడియో చేశారు.అందుకు ఉదాహరణగా తన వీడియోలో, కవి బి సుగతకుమారి, తృప్తీ దేశాయ్, బిందు అమ్మినీ, రెహనాలను టార్గెట్ చేస్తూ మాట్లాడారు.
ఆ వీడియో వివాదంగా మారింది. దీంతో సమాచారం అందుకున్న వెటరన్ డబ్బింగ్ ఆర్టిస్ట్ భాగ్యలక్ష్మి, కార్యకర్తలు డియా సనా, శ్రీలక్ష్మి అరకల్ లు విజయ్ పై ఇంక్ పోసి దాడి చేశాడు. ఆ దాడి జరిగే సమయంలో సోషల్ మీడియాలో లైవ్ పెట్టారు. అనంతరం మహిళలు మాట్లాడుతూ పోలీస్ స్టేషన్ లో తాము ఫిర్యాదు చేసినా పోలీసులు పట్టించుకోలేదని తెలిపారు. అందుకే చట్టాన్ని తమ చేతిలోకి తీసుకొని డాక్టర్ విజయ్ ని దేహశుద్ది చేసినట్లు తెలిపారు
