ఈ వారం థియేటర్లో సినిమాల సౌండ్ ఈ మాత్రం వినిపించట్లేదు. మే ఫస్ట్, సెకండ్ వీక్ రిలీజ్ సినిమాల సౌండే వినిపిస్తోంది. వాటి గురించే ఆడియన్స్ డిస్కస్ చేసుకుంటున్నారు. అయితే, చాలా సందర్భాల్లో పెద్ద హీరోలు తమ సినిమాలను పోటాపోటీగా రిలీజ్ చేస్తుంటారు.
అందులో ఒక సినిమా పాజిటివ్ టాక్ తెచ్చుకుని, ఇంకోటి యావరేజ్ అనిపించుకున్న.. ఏదో ఒక మూవీ మాత్రం భారీ నష్టాన్నే మూటగట్టుకుంటుంది. కానీ, ఇలాంటి కొన్ని వీకెండ్లను మాత్రం ఎవ్వరూ వాడుకోక వృధాగా వదిలేస్తారు.
ఈ క్రమంలోనే చిన్న సినిమాలు ప్రేక్షకుల కోసం నేనున్నా.. అంటూ వచ్చేస్తాయి. అసలు ఈ వారం థియేటర్లో రిలీజ్ కానున్న సినిమాలు ఏంటనేవి
ఆడియన్స్కు పెద్దగా గుర్తుండకపోవొచ్చు. కానీ, ఈ వారం (MAY16) మంచి ఇంట్రెస్టింగ్ సినిమాలే ఉన్నాయి. మరి ఆ సినిమాలేంటీ? వాటి జోనర్స్ ఏంటనేది తెలుసుకుందాం.
లెవెన్:
నవీన్ చంద్ర హీరోగా లోకేశ్ అజ్ల్స్ దర్శకత్వంలో రూపొందిన ఇన్వెస్టిగేటివ్ థ్రిల్లర్ ‘లెవెన్’.అజ్మల్ ఖాన్, రేయా హరి నిర్మించారు. శుక్రవారం మే 16న తెలుగు, తమిళ భాషల్లో థియేటర్లో రిలీజ్ కానుంది. రుచిర ఎంటర్‌‌‌‌‌‌‌‌‌‌‌‌‌‌‌‌టైన్‌‌‌‌‌‌‌‌మెంట్స్ బ్యానర్‌‌‌‌‌‌‌‌‌‌‌‌‌‌‌‌పై ఎన్ సుధాకర్ రెడ్డి ఈ చిత్రాన్ని రిలీజ్ చేస్తున్నారు.
ఈ సినిమాలో రేయా హరి హీరోయిన్‌‌‌‌‌‌‌‌గా నటించింది. అభిరామి, రవివర్మ, కిరీటి దామరాజు కీలక పాత్రల్లో నటించారు. ఇప్పటికే విడుదలైన టీజర్, ట్రైలర్, శ్రుతిహాసన్ పాడిన పాటకు మంచి రెస్పాన్స్ దక్కింది. డి ఇమ్మాన్ సంగీతం అందించాడు.
‘23’:
మల్లేశం’చిత్రంతో మెప్పించిన దర్శకుడు రాజ్ ఆర్ తెరకెక్కిస్తున్న చిత్రం ‘23’.రియల్ ఇన్సిడెంట్స్ ఆధారంగా రూపొందిస్తున్న ఈ సినిమాలో తేజ, తన్మయి లీడ్ రోల్స్ చేస్తున్నారు. స్టూడియో 99 సంస్థ నిర్మిస్తోంది. రానా దగ్గుబాటికి చెందిన స్పిరిట్ మీడియా ఈ చిత్రాన్ని విడుదల చేయనుంది.
1991 చుండూరు ఊచకోత, 1993 చిలకలూరి పేట బస్సు అగ్నిప్రమాదం, 1997 జూబ్లీహిల్స్ కారు బాంబు దాడి ఘటనల ఆధారంగా ఈ సినిమా రూపొందింది. కేవలం ఘటనలనే చూపించడం కాకుండా, వాటి వెనుక ఉన్న ఆందోళన, హింసకు ఆడియన్స్ కనెక్ట్ అయ్యేలా మూవీను రాజ్ ఆర్ తెరకెక్కించినట్లు తెలుస్తోంది.
డెవిల్స్ డబుల్ నెక్స్ట్ లెవెల్:
తమిళ ఇండస్ట్రీలో స్టార్ కెమెడియన్గా కొనసాగుతున్నారు నటుడు సంతానం. తనదైన నటనతో ఆడియన్స్ లో ప్రత్యేకమైన గుర్తింపును సంపాదించుకున్నారు ఈ స్టార్ కమెడియన్. ఆ ఫేమ్ తోనే ఈ మధ్యే హీరోగా కూడా ఎంట్రీ ఇచ్చాడు. అలా పలు సినిమాల్లో కూడా నటించాడు.
లేటెస్ట్గా సంతానం ప్రధాన పాత్రలో నటించిన మూవీ డెవిల్స్ డబుల్ నెక్స్ట్ లెవెల్. ఈ మూవీ 16 మే 2025న థియేటర్లలో విడుదల కానుంది. కామెడీ హార‌ర్ బ్యాక్‌డ్రాప్‌లో ఈ మూవీ రానుంది.
టీజర్, ట్రైలర్ విజువల్స్ ఇంప్రెస్ చేస్తున్నాయి. ఇకపోతే ఈ మూవీని ఆర్యా ‘ది షో పీపుల్’ మరియు వెంకట్ బోయనపల్లి ‘నిహారికా ఎంటర్‌టైన్‌మెంట్’బ్యానర్‌లపై నిర్మించారు.
'మిషన్‌ ఇంపాసిబుల్‌: ద ఫైనల్‌ రెకనింగ్‌':
హాలీవుడ్‌ హీరో టామ్‌ క్రూజ్‌ కీ రోల్ ప్లే చేసిన లేటెస్ట్ మూవీ 'మిషన్‌ ఇంపాసిబుల్‌: ద ఫైనల్‌ రెకనింగ్‌'. ప్రపంచవ్యాప్తంగా విశేష ప్రేక్షకాదరణను సొంతం చేసుకున్న ‘మిషన్‌ ఇంపాసిబుల్‌’ఫ్రాంచైజీల్లో భాగంగా రూపొందిన ఎనిమిదో చిత్రమిది. ఈ సినిమాను స్పై యాక్షన్‌ థ్రిల్లర్ నేపథ్యంలో క్రిస్టోఫర్‌ మేక్‌క్వారీ తెరకెక్కించారు. తెలుగు, తమిళ, హిందీ, మలయాళ భాషల్లో మే 17న విడుదలకానుంది.
