హుస్నాబాద్, వెలుగు: సీఎం రేవంత్ రెడ్డి హుస్నాబాద్ పర్యటనకు సంబంధించి పటిష్ట ఏర్పాట్లు చేస్తున్నట్లు సీపీ విజయ్ కుమార్ తెలిపారు. శుక్రవారం సమావేశ స్థలం, హెలిప్యాడ్ ఏర్పాట్లను స్వయంగా పరిశీలించి భద్రతా చర్యలపై అధికారులకు పలు సూచనలు చేశారు. అనంతరం మాట్లాడుతూ.. గ్రామ పంచాయతీ ఎన్నికల్లో వేలం, ఏకగ్రీవం పేరుతో నామినేషన్లను అడ్డుకోవడం చట్టవిరుద్ధమని తెలిపారు.
అటువంటి ఎన్నికలను రద్దు చేస్తామని, సంబంధిత వ్యక్తులపై కఠిన చర్యలు తీసుకుంటామన్నారు. ఆయన వెంట ఆర్డీవో రామ్మూర్తి, డీసీపీ సుభాష్ చంద్రబోస్, అడ్మిన్ డీసీపీ కుశల్కర్, జిల్లా లైబ్రరీ చైర్మన్ లింగమూర్తి, ఏసీపీ సదానందం, సీఐలు శ్రీను, కిరణ్ ఉన్నారు.
