ఆస్పత్రి పాలైన సునైన...ఇంతకీ ఆమెకు ఏమైంది?

రాజ రాజ చోర సినిమాతో హీరోయిన్ గా తనకంటూ మంచి పేరు గుర్తింపు తెచ్చుకున్న నటి సునైన. తాజాగా సోషల్ మీడియాలో ఆమె చేసిన ఓ పోస్టు ఆమె అభిమానులకు ఆందోళనకు గురిచేస్తుంది. చేతికి సెలైన్‌ పెట్టుకుని ఆస్పత్రి బెడ్‌పై దిగిన ఫొటోను సునైన తన సోషల్ మీడియాలో పోస్ట్ చేసింది.

అయితే ఏ కారణంగా సునైన ఆస్పత్రి పాలైందో వెల్లడించలేదు. కానీ త్వరలోనే దృఢంగా తిరిగి వస్తానని చెప్పుకొచ్చింది. ఈ పోస్ట్ చూసిన కొందరు నెటిజన్లు సునైన త్వరగా కోలుకోవాలని ఆకాంక్షిస్తున్నారు.

2005లో కుమార్ వెర్సస్ కుమారి సినిమాతో తెలుగులో హీరోయిన్ గా ఎంట్రీ ఇచ్చింది సునైన. తెలుగు, తమిళ, కన్నడ, మళయాళి బాషల్లో హీరోయిన్ గా నటించింది.