కూసుమంచి, వెలుగు : కూసుమంచి మండలం లోక్యాతండా జేపీ జగ్మల్ తండాకు చెందిన గిరిజనులు బీఆర్ఎస్ పార్టీకి షాక్ ఇచ్చారు. తండాల్లోని సుమారు 50 కుటుంబాలకు పైగా బీఆర్ఎస్ పార్టీకి రాజీనామా చేసి కాంగ్రెస్ పార్టీ అభ్యర్థి పొంగులేటి శ్రీనివాస రెడ్డి క్యాంపు ఆఫీస్లో పొంగులేటి ప్రసాద్ రెడ్డి సమక్షంలో గురువారం కాంగ్రెస్ లో చేరారు. మాజీ మార్కెట్ కమిటీ చైర్మన్ వడ్త్యా సెట్రామ్ నాయక్, జిల్లా నాయకులు పెండ్ర అంజయ్య, వార్డు మెంబర్ జర్పుల వెంకన్న, లింబ్యా ఆధ్వర్యంలో ఈ చేరికలు జరిగాయి.
అలాగే లోక్య తండా నుంచి 10, జుజ్జల్రావుపేటలో 20 కుటుంబాలు కాంగ్రెస్కండువా కుప్పుకున్నాయి. కూసుమంచి మండల కేంద్ర సీపీఎం గ్రామశాఖ కార్యదర్శి బస్మాగి మధు కూడా కాంగ్రెస్ పార్టీ లో చేరారు. అనంతరం కూసుమంచి మండల కేంద్రంలో గడప గడపకు కాంగ్రెస్ కార్యక్రమం నిర్వహించి ఆరు గ్యారెంటీలను ప్రజలకు వివరించారు.
