అబుదాబి/టోక్యో: టెర్రరిజంపై పోరాటంలో ఇండియాకు తమ పూర్తి మద్దతు ఉంటుందని యూఏఈ, జపాన్ ప్రకటించాయి. ఆపరేషన్ సిందూర్ తర్వాత పాక్ టెర్రరిజాన్ని ప్రపంచానికి చాటేందుకు కేంద్రం ఏర్పాటు చేసిన అఖిలపక్ష బృందాలు గురువారం ఆయా దేశాలకు చేరుకున్నాయి. శివసేన ఎంపీ శ్రీకాంత్ షిండే నేతృత్వంలోని బృందం యూఏఈకి, జేడీ(యూ) ఎంపీ సంజయ్ ఝా నేతృత్వంలోని బృందం జపాన్ చేరుకున్నాయి. ఈ సందర్భంగా ఆపరేషన్ సిందూర్ తర్వాత పరిణామాలను ఆయా దేశాల ప్రతినిధులకు వివరించాయి. ఈ సందర్భంగా రెండు దేశాలూ భారత్కు మద్దతు తెలిపాయి.
