ఏపీ సీఎం జగన్ నివాసంలో ఉగాది వేడుకలు ఘనంగా జరిగాయి. తెలుగు సంప్రదాయం ప్రకారం ఉగాది సంబరాలు నిర్వహించారు. అంతకుముందు జగన్ దంపతులు వెంకటేశ్వర ఆలయంలో ప్రత్యేక పూజలు చేశారు. ఈ సందర్భంగా కొత్త పంచాంగాన్ని సీఎం జగన్ ప్రారంభించారు. ఆ తర్వాత వారు పంచాంగ శ్రవణంలో పాల్గొన్నారు.
శోభకృత్ నామ సంవత్సరంలో రాబోయే కాలమంతా శుభసూచకంగా ఉంటుందని పంచాంగ కర్త తెలిపారు. ఈ సారి పేరుకు తగ్గట్టుగా అంతా మంచే జరుగుతుందన్నారు. గురు, శని, కుజుడు సంచారాలు బాగున్నాయని, నవ నాయకుల ఫలితాలు సైతం అనుకూలంగా ఉన్నాయని చెప్పారు. శ్రామికులకు, కర్షకులకు లాభదాయకంగా ఉంటుంది. వారికి అనుకూల ఫలితాలు ఉంటాయి.
