న్యూఢిల్లీ: టెస్లా, స్సేస్ ఎక్స్ చీఫ్ ఎలాన్ మస్క్.. రష్యా ప్రెసిడెంట్ వ్లాదిమిర్ పుతిన్కు చాలెంజ్ విసిరారు. సింగిల్ కాంబాట్ఫైట్(ద్వంద్వ యుద్ధం) చేద్దామని, గెలిచిన వారికే ఉక్రెయిన్ సొంతమవుతుందంటూ సోమవారం ఒక ట్వీట్ చేశారు. ఉక్రెయిన్, పుతిన్ పేర్లను రష్యన్ అక్షరాల్లో పోస్ట్ చేశారు. మరికొద్దిసేపటికే ఇంకో ట్వీట్ చేసిన మస్క్.. ఫైట్కు సిద్ధమేనా? అంటూ రష్యా అధ్యక్షుడి అధికారిక ట్విట్టర్ ఖాతాను ట్యాగ్ చేశారు. దీనిని పూర్తిగా రష్యాన్ అక్షరాల్లోనే పోస్ట్ చేశారు. మస్క్ ఫాలోవర్ ఒకరు ఈ చాలెంజ్విషయంలో సీరియస్ గా ఉన్నారా? అని ప్రశ్నించగా.. తాను ఈ విషయంలో చాలా సీరియస్గా ఉన్నానని మస్క్ స్పష్టం చేశారు. కాగా, ఉక్రెయిన్పై రష్యా దాడులు మొదలైన తర్వాత.. ఇంటర్నెట్ సమస్యలు తలెత్తడంతో మస్క్ తన స్టార్లింక్ శాటిలైట్ ద్వారా అక్కడి ప్రజలకు ఇంటర్నెట్ సేవలు
అందిస్తున్న సంగతి తెలిసిందే.
