ఏందీ.. మన సూర్యుడి మీద గిన్ని మచ్చలు కన్పిస్తున్నయి? అప్పట్లో చానా సల్లగుండెటోడా? ఏందీ? అనుకుంటున్నారా! ఈ ఊహాచిత్రం సూర్యుడిది కాదు.. మన భూమిదే! సూర్యుడు 460 కోట్ల ఏండ్ల కింద పుట్టిండని, ఆ తర్వాత సూర్యుడి చుట్టూ మిగిలిపోయిన కాస్మిక్ డస్ట్, గ్యాసెస్ తో భూమితో సహా గ్రహాలన్నీ పుట్టాయన్నది తెలిసిందే. అయితే, సూర్యుడు పుట్టినంక 5 కోట్ల ఏళ్లకే ఇతర గ్రహాలను ఢీకొడుతూ.. భూమి ఒక షేపులోకి వచ్చిందని ఇప్పటివరకున్న థియరీ. కానీ.. ఇది తప్పని, సూర్యుడి చుట్టూ మిగిలిన డస్ట్ వేగంగా పోగుపడుతూ.. జస్ట్ 50 లక్షల ఏళ్లకే భూమి ఒక ఆకారం పొందిందని యూనివర్సిటీ ఆఫ్ కోపెన్ హెగన్ సైంటిస్టులు అంటున్నారు. భూమిపై రాలిన పలు ఉల్కలపై చేసిన రీసెర్చ్ లో ఈ విషయం తెలిసిందని వెల్లడించారు. భూమి ఏర్పడిన తొలినాళ్లలో ఇట్ల ఉండి ఉంటుందని చెప్తూ ఈ ఊహాచిత్రాన్ని విడుదల చేశారు.
