ఫోన్ పే, గూగుల్ పే.. లాంటి ఆన్లైన్ ట్రాన్సాక్షన్ యాప్స్ వచ్చాక చేతిలో డబ్బులు పట్టుకెళ్లడమే మానేశారు చాలామంది. కానీ, యుపీఐ ద్వారా ట్రాన్సాక్షన్స్ చేస్తున్నప్పుడు కొన్నిసార్లు ఇంటర్నెట్ స్లో అవుతుంది. మరికొన్ని సార్లు పూర్తిగా పోతుంది. ఎమర్జెన్సీ టైంలో ఈ సమస్య చాలామందికి పెద్ద తలనొప్పిగా మారుతుంటుంది. అయితే దీనికి ఒక సొల్యూషన్ ఉంది. ఇంటర్నెట్ లేకుండానే యుపీఐ ట్రాన్సాక్షన్స్ చేయొచ్చు. దానికోసం *99# కి ఫోన్ చేస్తే సరిపోతుంది.
*99# అనేది అన్స్ట్రక్చర్డ్ సప్లిమెంటరీ సర్వీస్ డేటా.. దీని ద్వారా డేటా, ఇంటర్నెట్ కనెక్షన్ లేకుండా మొబైల్ బ్యాంకింగ్ని యాక్సెస్ చేసుకోవచ్చు. 83 బ్యాంక్లతో నాలుగు టెలికామ్ సర్వీస్ ప్రొవైడర్స్, పదమూడు భాషల్లో అందుబాటులో ఉంది. మరి దీని ద్వారా పేమెంట్ ఎలా చేయాలంటే.. '
రిజిస్ట్రేషన్ కోసం
- స్మార్ట్ఫోన్ లేదా ఫీచర్ ఫోన్ ద్వారా *99# కి డయల్ చేయాలి. అయితే ఈ సర్వీస్ని ఉపయోగించుకోవాలంటే బ్యాంక్ అకౌంట్కి ఏ నెంబర్ అయితే లింక్ అయి ఉందో ఆ నెంబర్ నుంచే ఫోన్ చేయాలి.
- కావాల్సిన భాష, బ్యాంక్ పేరు ఎంటర్ చేయాలి.
- మన ఫోన్ నెంబర్తో లింక్ అయ్యి ఉన్న బ్యాంక్ అకౌంట్స్ అన్నీ వరుసగా కనిపిస్తాయి. వాటిల్లో ప్రస్తుతం డబ్బులు పంపాలనుకుంటున్న అకౌంట్ మీద క్లిక్ చేయాలి.
- డెబిట్ కార్డు చివరి ఆరు నెంబర్స్తో పాటు ఎక్స్పైరీ డేట్ని ఎంటర్ చేయాలి. ఈ స్టెప్స్ పూర్తయ్యాక ఆఫ్లైన్లో పేమెంట్ ట్రాన్సాక్షన్ మొదలుపెట్టొచ్చు.
ఇలా పంపాలి
- *99# డయల్ చేసి, 1క్లిక్ చేసి ‘సెండ్ మనీ’ ఆప్షన్కి వెళ్లాలి.
- తర్వాత ఇతరుల యుపీఐ ఐడీకి డబ్బులు పంపాలనుకుంటే 3, ఫోన్ నెంబర్కి అయితే 4, బ్యాంక్ అకౌంట్ నెంబర్కి అయితే 5 నెంబర్ ఎంటర్ చేసి.. ఆ వివరాలు ఇవ్వాలి.
- పంపాల్సిన అమౌంట్, యుపీఐ పిన్ ఎంటర్ చేస్తే ఇంటర్నెట్ లేకుండానే ట్రాన్సాక్షన్ పూర్తవుతుంది. ఈ సర్వీస్కి యాభై పైసలు ఛార్జీలు అవుతాయి. దీని ద్వారా ప్రస్తుతం రూ.5వేలు మాత్రమే ట్రాన్సాక్షన్ చేసే వెసులుబాటు ఉంది. ట్రాన్సాక్షన్తో పాటు బ్యాలెన్స్ ఎంక్వైరీ, రిక్వెస్ట్ మనీతో పాటు యుపీఐ పిన్ మార్చుకునే సదుపాయం కూడా ఉంది ఈ సర్వీస్లో.
