నస్పూర్, వెలుగు : బీజేపీకి అవకాశమిస్తే గని కార్మికులకు 200 గజాల స్థలం వచ్చేలా చూస్తామని ఆ పార్టీ మంచిర్యాల ఎమ్మెల్యే అభ్యర్థి వెరబెల్లి రఘునాథ్ హామీ ఇచ్చారు. నస్పూర్ మున్సిపాలిటీ పరిధిలోని మల్లికార్జున నగర్, ఏఎస్ఆర్ నగర్, ఠాగూర్ నగర్లో బుధవారం ఇంటింటికీ ప్రచారం నిర్వహించారు. ఈ సందర్భంగా మాట్లాడుతూ.. అవినీతి బీఆర్ఎస్పాలనలో స్థానికంగా రోడ్లు, డ్రైనేజీ సరిగా లేవని విమర్శించారు.
సింగరేణి గని కార్మికులకు ఇంటి స్థలం ఇస్తానని సీఎం కేసీఆర్గతంలో హామీ ఇచ్చారని, కానీ ఇప్పటికీ నెరవేర్చలేదన్నారు. కార్యక్రమంలో ఈర్ల సదానందం, సత్రం రమేశ్, జీవీ ఆనంద కృష్ణ, పనుగంటి మధు, పాషా, మిట్టపల్లి మొగిలి, భీమయ్య, రానవేణి శ్రీను, సుమన్, చక్రి తదితరులు పాల్గొన్నారు.
