ప్రారంభోత్సవానికి రానున్న రక్షణ మంత్రి సాంకేతిక సలహాదారు జి. సతీశ్ రెడ్డి
కాజీపేట, వెలుగు : వరంగల్ నిట్లో ఈనెల 16 నుంచి 18 వరకు టెక్నోజియాన్ ఫెస్ట్ నిర్వహిస్తున్నట్టు నిట్ డైరెక్టర్ ఎన్వీ రమణారావు తెలిపారు. బుధవారం ఆయన మీడియాతో మాట్లాడారు. ఈ వేడుకలకు ఏర్పాట్లు పూర్తయ్యాయని, నేటి సాయంత్రం జరిగే ప్రారంభోత్సవానికి చీఫ్ గెస్ట్గా రక్షణ మంత్రిత్వ శాఖ సాంకేతిక సలహాదారు డాక్టర్ జి. సతీశ్ రెడ్డి, కాళోజీ నారాయణరావు యూనివర్సిటీ ఆఫ్ హెల్త్ సైన్సెస్ వీసీ డాక్టర్ బి.కరుణాకర్ రెడ్డి వస్తున్నారని తెలిపారు. ఈ ఫెస్ట్ సౌత్ ఇండియాలోనే రెండో అతిపెద్ద టెక్నికల్ ఫెస్ట్ అని, విజేతలకు రూ. 20లక్షల విలువైన బహుమతులు అందిస్తామని చెప్పారు.
ఈ సంవత్సరం ‘ఇగ్నోసీ’ థీమ్తో వేడుకలు నిర్వహిస్తున్నామని, దేశంలోని వివిధ కాలేజీల స్టూడెంట్లు వస్తున్నారని వివరించారు. సాంకేతిక పరిజ్ణానం– విద్యార్థి వికాసం అనే టాపిక్పై ప్రముఖుల సెమినార్లు, ఈవెంట్లు, వర్క్‌షాప్లుఉంటాయని పేర్కొన్నారు. ప్రధాన ఈవెంట్లలో భాగంగా నిర్వహించే జహాజ్, అల్యూర్, డ్రోన్ రేసింగ్, ముగింపు రోజు రాత్రి ఇండియన్ ప్లే బ్యాక్ సింగర్ బెన్నీ దయాల్, విశాల్ చంద్రశేఖర్ తో ప్రత్యేక షో ఉంటుందని చెప్పారు. ఈ సమావేశంలో డీన్ స్టూడెంట్ వెల్ఫేర్ ప్రొఫెసర్ పులి రవికుమార్, ఫ్యాకల్టీ అడ్వైజర్ ప్రొఫెసర్ కె.ఆనంద్ కిషోర్, స్టూడెంట్ కోఆర్టినేటర్లు, కోర్ టీం సభ్యులు పాల్గొన్నారు.
