జయశంకర్ భూపాలపల్లి, వెలుగు: సుప్రసిద్ధ కోటంచ లక్ష్మీనరసింహస్వామి క్షేత్రాన్ని పర్యాటక కేంద్రంగా తీర్చిదిద్దుతామని భూపాలపల్లి ఎమ్మెల్యే గండ్ర సత్యనారాయణరావు అన్నారు. ఆదివారం ఆయన ఆలయ సమీపంలో కొనసాగుతున్న నిర్మాణాలను పరిశీలించారు. రాజగోపురం, హనుమాన్ ఆలయంతో పాటు మండపంలో చేపడుతున్న శిల్పాల పనులు స్పీడప్ చేయాలని సూచించారు.
స్వామివారి దర్శనానికి వచ్చే భక్తులకు ఎలాంటి ఇబ్బందులు లేకుండా చర్యలు చేపట్టాలన్నారు. కార్యక్రమంలో ఆలయ కమిటీ చైర్మన్ నాయినేని సంపత్ రావు, ఆర్అండ్ బీ ఈఈ రమేశ్బాబు, ఈవో బిల్ల శ్రీనివాస్ తదితరులు పాల్గొన్నారు.
