ఆదిలాబాద్టౌన్, వెలుగు: మహిళకు లిఫ్ట్ఇచ్చినందుకు వ్యక్తిని బెదిరించి డబ్బులు వసూలు చేసిన ఘటన ఆదిలాబాద్పట్టణంలో జరిగింది. వన్టౌన్సీఐ బి.సునీల్కుమార్ వివరాల ప్రకారం.. ఆదిలాబాద్ పట్టణానికి చెందిన ఔట్సోర్సింగ్ఉద్యోగి వేష్కర్ రవికుమార్ జులై 21న కలెక్టర్కార్యాలయం సమీపంలో ఓ మహిళకు లిఫ్ట్ఇచ్చి కైలాస్నగర్సమీపంలో దింపాడు. మాటల్లోకి దింపిన ఆ మహిళ.. రవికుమార్ ఫోన్ నంబర్తీసుకుంది. కాగా జులై 23న వాగాపూర్గ్రామానికి చెందిన చాకటి కిరణ్అనే వ్యక్తి రవికుమార్కు ఫోన్చేసి తన మరదలిని ఫోన్లో వేధిస్తున్నావని, ఉన్నతాధికారులకు ఫిర్యాదు చేస్తానని బెదిరించాడు.
రూ.50 వేలు ఇవ్వాలని, లేకుంటే దాడి చేస్తామనడంతో బాధితుడు భయపడ్డాడు. అదేరోజు తన బైక్ను తాకట్టు పెట్టి రూ.30వేల నగదును కిరణ్కు ఇచ్చాడు. అనంతరం ఈ విషయాన్ని రవి తన తండ్రి అయిన రిటైర్డ్ఎస్సై లక్ష్మణ్కు చెప్పడంతో వెంటనే పోలీసులకు ఫిర్యాదు చేశారు. విచారణ చేపట్టిన పోలీసులు నిందితుడు కిరణ్ను అరెస్టు చేసి రిమాండ్కు తరలించినట్లు సీఐ తెలిపారు. బెదిరింపులకు పాల్పడి డబ్బులు వసూలు చేసే వారిపై కఠిన చర్యలు తీసుకుంటామని హెచ్చరించారు.
