కామారెడ్డి, వెలుగు: లోక్సభ ఎన్నికల్లో గెలుపే లక్ష్యంగా పనిచేయాలని కేటీఆర్ సూచించారు. జహీరాబాద్ పార్లమెంట్ పరిధిలోని బీఆర్ఎస్ లీడర్లతో ఆదివారం హైదారాబాద్లోని తెలంగాణ భవన్లో మీటింగ్ నిర్వహించారు. సమావేశానికి కామారెడ్డి, ఎల్లారెడ్డి, బాన్సువాడ, జుక్కల్ నియోజకవర్గాలకు చెందిన ముఖ్య నేతలు, లీడర్లు హాజరయ్యారు.
పార్టీ వర్కింగ్ ప్రెసిడెంట్ కేటీఆర్, మాజీ మంత్రి, సిద్దిపేట ఎమ్మెల్యే హరీశ్రావు పార్లమెంట్ఎన్నికల్లో అనుసరించాల్సిన వ్యూహాలను లీడర్లకు దిశానిర్దేశం చేశారు. చిన్నచిన్న పొరపాట్లతో అసెంబ్లీ ఎన్నికల్లో ఓడామని, పలువురు నేతలు అభిప్రాయపడ్డారు.
బాన్సువాడ, బాల్కొండ ఎమ్మెల్యేలు పోచారం శ్రీనివాస్రెడ్డి, వేముల ప్రశాంత్రెడ్డి, ఎంపీ బీబీ పాటిల్, మాజీ ఎమ్మెల్యేలు గంప గోవర్ధన్, హన్మంత్షిండే, జాజాల సురేందర్, జడ్పీ చైర్పర్సన్ దఫేదర్ శోభ, పార్టీ జిల్లా ప్రెసిడెంట్ ముజీబోద్దీన్, మున్సిపల్ చైర్పర్సన్ నిట్టు జాహ్నవి పాల్గొన్నారు.
