హలో! మీకు ఐస్క్రీమ్స్ అంటే ఇష్టమా? కొత్త కొత్త ఫ్లేవర్స్ ట్రై చేయాలనుకుంటున్నారా! అయితే ఈ ‘బ్లాక్ డైమండ్’ ఐస్క్రీమ్ తప్పకుండా టేస్ట్ చేయాల్సిందే. కాకపోతే ఈ ఐస్క్రీమ్ తినాలంటే దుబాయ్ వెళ్లాలి. ఐస్క్రీమ్ని అరవై వేలు పెట్టి కొనుక్కోవాలి. ఐస్క్రీమ్ అరవై వేలా ! అని ఆశ్చర్యపోకండి. ఈ ఐస్క్రీమ్ స్పెషాలిటీ అలాంటిది మరి.
వెనుకటి రోజుల్లో ఐదు, పది పైసలకే పుల్ల ఐసులు వచ్చేవి. ఆ తర్వాత వచ్చిన స్ట్రాబెర్రీ, బటర్ స్కాచ్, వెనిలా లాంటి మరికొన్ని ఫ్లేవర్స్ని కూడా రీజనబుల్ ధరల్లోనే తినేయొచ్చు. కానీ, ఈ వరల్డ్ ఫేమస్ ‘బ్లాక్ డైమండ్’ ఐస్క్రీమ్ తినాలంటే అక్షరాల అరవైవేలు ఖర్చుపెట్టాల్సిందే. అన్నట్టు ఇది ఒక్క స్కూప్ ఖరీదే. అసలు ఈ ఐస్ క్రీమ్ ఎందుకింత కాస్ట్లీ అనేగా మీ డౌట్. ఎందుకంటే ఈ ఐస్ క్రీమ్పై బంగారు పూత చల్లుతారు. ఈ బంగారం చల్లిన బ్లాక్ డైమండ్ ఐస్క్రీమ్ దుబాయ్లోని ‘స్కూపీ కేఫ్’లో 2015 నుంచే అమ్ముతున్నారు. బ్లాక్ పుట్టగొడుగులు, కుంకుమ పువ్వుతో ఉన్న వెనిలా ఐస్ క్రీమ్పై 23 క్యారెట్ల బంగారం పూత చల్లి తయారుచేస్తారు. రీసెంట్గా బాలీవుడ్ యాక్ట్రెస్ , ట్రావెలర్ షెనాజ్ ట్రెజరీ కూడా ఈ ఐస్క్రీమ్ని టేస్ట్ చేసింది. ఐస్క్రీమ్ తిన్నాక తన ఎక్స్పీరియెన్స్ని ఇన్స్టాగ్రామ్లో పోస్ట్ చేసింది. దాంతో ఇప్పుడీ ‘బ్లాక్ డైమండ్’ సోషల్మీడియాలో హాట్ టాపిక్ అయ్యింది.