యాదాద్రి(రామన్నపేట), వెలుగు: యాదాద్రి జిల్లా రామన్నపేట మండలంలో ఓ వ్యవసాయ కాంట్రాక్టర్దారుణ హత్యకు గురయ్యాడు. పోలీసులు తెలిపిన వివరాల ప్రకారం.. సూర్యాపేట జిల్లా జవహర్నగర్కు చెందిన వి.లింగయ్య(50) వ్యవసాయ పనుల కోసం కూలీలను అరేంజ్చేస్తుంటాడు. ఇటీవల యాదాద్రి జిల్లా రామన్నపేట మండలం తుమ్మలగూడెంలో వరి నాట్ల కోసం కూలీలను తీసుకొచ్చాడు.
గురువారం కూలి పైసలు వసూలు చేసేందుకు జవహర్నగర్నుంచి తుమ్మలగూడెం బయలుదేరిన లింగయ్య రాత్రయినా ఇంటికి చేరుకోలేదు. ఫోన్చేసినా కలవకపోవడంతో లింగయ్య కొడుకు మహేశ్ పోలీసులకు ఫిర్యాదు చేశాడు. మిస్సింగ్కేసు నమోదు చేసుకొని విచారణ చేస్తున్న పోలీసులకు శుక్రవారం బోగారం-, నిదానపల్లి గ్రామాల మధ్య ఓ వ్యక్తి డెడ్బాడీ దొరికిందని సమాచారం అందడంతో అక్కడి వెళ్లారు. లింగయ్యగా గుర్తించి, డాగ్ స్క్వాడ్, క్లూస్ టీం రప్పించి వివరాలు సేకరించారు. డబ్బు కోసమే హత్య జరిగినట్టు పోలీసులు అనుమానిస్తున్నారు.
