- గంటకు ₹1400.. డొమినోస్ జాబ్ ఆఫర్
డొమినోస్ మస్తుమస్తు జాబ్ ఆఫర్ ఇచ్చింది. ఏంటో తెలుసా.. తినాలె, ఎట్లుందో చెప్పాలె. అంతే. ఆస్ట్రేలియాలోని బ్రిస్బేన్ డొమినోస్ రీజనల్ హెడ్క్వార్టర్స్లో డ్యూటీ. ఒక్కరోజు పని. అంటే ఏడున్నర గంటలు పనిజేయాలె. అందుకు గంటకు 30 ఆస్ట్రేలియన్ డాలర్లు (20 అమెరికా డాలర్లతో సమానం. ₹1400) ఇస్తానంటోంది. అయ్యయ్యో ఆస్ట్రేలియాలోనా, అయితే, నాకు ఆఫర్ రానట్టే అనుకోవద్దు. ప్రపంచంలో ఎవరైనా ఆ జాబ్కు పోటీ పడొచ్చు. వచ్చే ₹10 వేలకు, వేలకు వేలు ఫ్లైట్ టికెట్ కోసం ఖర్చు చేసి వెళ్లాలా? అనుకోవద్దు. వేరే దేశాల్లో ఉంటున్నోళ్లకు రానోబోను ఫ్లైట్ టికెట్, అక్కడ ఉండేందుకు వసతి కంపెనీనే ఏర్పాటు చేస్తుందట. జాబ్ వచ్చినోళ్లు చేయాల్సింది కేవలం, అక్కడ ఉండి గార్లిక్ బ్రెడ్ తిని, రుచి ఎట్ల ఉందో చెప్పడమే. ఒక్క రోజు కోసం ఇంత తతంగమా అనుకోవద్దు. దాని కోసం సవాలక్ష కండిషన్లు కూడా కంపెనీ పెట్టింది. గార్లిక్ బ్రెడ్ (వెల్లుల్లి, బ్రెడ్డు) తినడంలో ఐదేళ్ల అనుభవం ఉండాలి. పిజ్జా, గార్లిక్ బ్రెడ్ మధ్య రిలేషన్షిప్ ఏంటో తెలిసుండాలి. మంచి ఫుడీ అయి ఉండాలి. ఎవరో తెచ్చిచ్చేదాకా వేచి చూడకుండా గార్లిక్ బ్రెడ్డు తయారు చేయడంలో ఒక్కసారైనా చేతులు కాల్చుకుని ఉండాలి. పక్కపొంటోళ్ల తిండి అలవాట్లను ఒక్కసారైనా రివ్యూ చేసి ఉండాలి.
డ్యూటీ: బ్రిస్బేన్లోని డొమినోస్ స్టోర్లో చీఫ్ గార్లిక్ బ్రెడ్ టేస్ట్ టెస్టర్.
ఎలా అప్లై చేయాలి?: మీకే ఎందుకు ఆ ఉద్యోగం ఇవ్వాలో ఓ వీడియో తీయాలి. లేదంటే కంపెనీ పెట్టే సర్వేని పూర్తి చేసి 200 పదాల్లో మీ గురించి చెప్పాలి.
చివరి తేదీ: అక్టోబర్ 7. అప్లై చేసేసుకోండి మరి.
